NAHUM 1:10 - PATHIAN LEKHABU THIANGTHO (BSI)

¹⁰ Linggui kiphanchak gual ah phanchak in a um tau in, zungolveite gual in a kham zo tau; bupawl keugawp mei in a kâttum gual in a um zo tau hi.

NAHUM 1:10 Referans Kwoze

MIKAH 7:4

A lak ua mi pha pen chu hampa lingnei gual ahi’n, a lak ua mi lungthim zang pen chule dâi lingnei a bang bep ui. Amau gawtna ding ni, la gâlvengteu gawtna ding chu, hung tung ding ahi tai; tu’hin a lungdon niu chu a nai tai.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

NAHUM 3:11

Nangma (Nineveh) le kham in la tin, kisêlmangna ding hawl inla; mêlmate ah kipat kisêlna ding hawl inla.

ISAI 9:18

Mei in hampa leh ling a kât tum ah, gammâng nawngte a kât thian a, a meikhu van lam ah a kitun to gual in, nunsiatna chun mei gual in a kâng sek ngal a.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

JEREMIAH 51:57

A milian leh a mi pilteu, gam awpte, vaihawmte leh, a sepai hangsante natiang in dawn khamsak ding ka hi; lum den intiu in, khanglo kit ta pua’n au; Lengpa, a min Sepai honte Lalpa chun a ti ahi.

JEREMIAH 51:39

A hung kichawphul phat ua leh, a dawn ding uh pia’ng ka tin, khawmu khawchang helo ah a lim hialna ding un, dawn khamsak ing ka tin, hung khanglo kit talo ah, kumkhua a i-mut den hialna ding un, Lalpa‘n a tii.

ISAI 27:4

A chung in lungnatna ka nei puai. Hampa lingnei leh khauguite ngen, a hung piandawu chun, a leng un vât tha’ng ka tin, hâl tum mai ding ka hi.

SAM 68:2

Meikhu mût mang ah a um gual in, amau chu mût mang in, khuailu mei in a haitui gual in, mi nunsiate chu Pathian ma’n mangthai tau hen.

2 SAMUEL 13:28

Ziaphatchun, Absalom in a suakte chu thu a pia’n, “Amnon zukham ah lim tak ah a hung um hun chu a la entha zing unla; chuleh, keima’n la kiang ua, ‘Amnon chu sat un,’ ka hun ti phat leh ama chu la tha ziang diu ahi. Lau kiu in; keima thu hun piak hilo a hem? Hang tak leh kipawsalsak tak in um un,” a tia.

1 SAMUEL 25:36

Abigail chu Nabal kiang a hung tung kit ah; ama chun lengpa gual ah a In ah luaithe’na thupi tak a siam lai tak ahi’n. Nabal chu zu a dawn kham ziakin, lungthim nuam tak in a la um ah; tichun, jingkal lam ah khawvak masang sia bangma a hil puai.

SAM 118:12

Khuaipite gual in ei ûm kîmvêl un, lingbuk meikâng gual in a kuang un; Lalpa min in amau chu hi’mangthai ing ka!

ISAI 47:14

En in, amau bupawl gual bep a hiu, mei in a kâng tum ngâl hi. Mei thilhitheina lak ah kipat in, a kihukdok thei puau hi. Kihailumna ding meiâm um ta pua’n tin, mei awi dingle um ta pua’n a.

ISAI 56:12

Amau chun, “Hung un, uain dawn hitiu; zukha dawn vâ sêt hitiu. Jing leh tu’ni gual hi’ntin; gen gual lo ah ni lopi hiding ahi,” a tiu hi.

PAWTDAWNA THU 5:12

Tichun, mipite chu Aigupta gam zosia ah chun bupawl ah mat ding, bu kungsum hawl khawm in a kithejak tau a.

PAWTDAWNA THU 15:7

La hatna lopi tak ah chun, nangma do-te haw chu, la paitha sik sek tai. La lungnatna chu la sawldok ah, zia chun amau haw chu bupawl gual in, la hâltum tai.