MATTHAI 9:6 - PATHIAN LEKHABU THIANGTHO (BSI)

⁶ Banghilehle, khawvel ah Mihing chapa’n gitlo ngaidam theina a nei hi ti la hetna ding un,” a tia; zeng kiang ah chun, “Tho inla, la lupna phêk la’n la, la In lam in chia ta’n,” a tia.

MATTHAI 9:6 Referans Kwoze

MATTHAI 9:5

‘La gitlona ngaidam ahi tai,’ ti tawh, ‘Tho inla, la keng in chia ta’n,’ ti hi a khoijawk hi a gen bailam zaw em?

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

2 KORINTH 2:10

Bang lam ah le mi la ngaidam uh chu ke’n le ka ngaidam ah, ka ngaidamsa chu bangkim ah ka ngaidam ah, nangmau ziakin Khrista ma ah chun ka ngaidam ta ahi.

KOLOSSA 3:13

kidaw zo tua chiat in, kua’nle mi chung ah thubuai nei taleu chin, kingaidam tua unla; Lalpa‘n a ngaidam gual in kingaidam tau in.

EPHESA 4:32

Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

2 KORINTH 5:20

Pathian in keimau mang ah a hun chial ziakin, Khrista palai chu ka hitau hi; ziaziakchun, Khrista thasâng in ka hun don la hiu: Pathian tawh kicham tau in.

NASEPTE 9:34

Peter chun a kiang in, “Ainia, Jesu Khrista’n a hun hi’dam tai, hung thodok inla, la puanpha chu jialdok ta’n,” a tia. Ziaphat ah chun a hung thodok phut ziang tai.

NASEPTE 5:31

Ama chun Israelte kiang ah lungheina leh gitlo ngaidamna a piak theina dingin, Pathian in Lalpa leh Hukdampa hiding in a khut changlam in a chawisâng tai.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

JOHAN 10:28

Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

LUKA 5:21

Ziaphatchun, lekhazikte leh Pharisaite chun, “Zia Pathian gensia hi kua a hem? Pathian tilo ngal kua a hem gitlona ngaidam thei ding?” a tiu a.

MARKA 2:10

Banghitaleh, khawvel ah hin Mihing Chapa hin gitlo ngaidam theina a nei hi ti la hetna ding un;

MARKA 2:7

“Bangatia, zia pa hin zia gual ah hi thu gen a hem? Pathian gensia ahi chu lam! Pathian tilo ngal kua a hem gitlona ngaidam thei?” a tiu a.

MATTHAI 8:20

Jesu’n a kiang in, “Si-alte’n kua a nei un, chunglêng vachate’n le bu a nei ui. Mihing Chapa hin vang lu ngakna ding a nei puai,” a tia.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

MATTHAI 4:24

Suria gam zosia’n a chanchin a thang suak ta’n; tichun, damlo zosia, hivei nei leh natna tincheng thuakte, thithabuak matte, hipût neite leh zengte haw chu a kiang in a hun pui ua; a la hi’dam suak tai.

MATTHAI 9:2

Mi lawi khat in, zeng pakhat a lupna phêk pum in lâng in a kiang lam in a hun jawn ua; Jesu’n a ginnau a mu phât in zeng kiang ah chun, “Ka chapa, thamuang tak in um in; la gitlona ngaidam ahi tai,” a tia.

MATTHAI 9:7

Tichun a tho ah, a In lam in a chia tai.

JOHAN 5:8

Jesu chun, “Hung ding in, la puanpha chu la’n la chia ta’n,” a tia.

JOHAN 5:27

ama chu Mihing Chapa ahi ziakin, vaihawmtheina thuneina zosia chule a kiang in a pia tai.