MATTHAI 7:11 - PATHIAN LEKHABU THIANGTHO (BSI)

¹¹ Nang uh mi phalo in bawn, la chateu thilpha piakna châng la het ua leh, la Pau van ah um chun a donte chu thilpha pia zaw ma malo ding a hem?

MATTHAI 7:11 Referans Kwoze

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

ISAI 49:15

Numei in a cha nawichep lai a hemil thei em? Ama sûl ah piang ngei ngei chu, lainatna nei lo in um thei ding a hem? Amau chun hemil thei ziangleu le, ke’n vang hun hemil pua’ng ka.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

1 JOHAN 4:10

Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

THILSIAM THU 8:21

Lalpa’n a gim namtui chu a het phat in a lungthim in, “Mihingte ziakin lei chung hi hânsia law kit ta pua’ng ka; mihing lungthim ngaituanate chu a naupan lai ua kipat gilo ngen ahi ngal un; tu’hun ah ka gawtna gual hin mihing zosia hi gawt kit ta pua’ng ka.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

SAM 85:12

Lalpa‘n thilpha ngen hun pia’n tin, I gam un a gate pung in a.

ROMTE 3:19

Kam zosia a thip ah, khawvel zosia hi Pathian ma ah gilo a hung hitheina ding un, dan kigente zosia hi dan nuai ah umte kiang ah gen a hisek hi ti, I hiau hi.

GALATIA 3:22

Himaleh, Jesu Khrista gin ziakin thiltiamte chu a gingte kiang ah piak a hitheina ding in, Pathian Lekha Thu chun gitlona nuai ah bangkim a khâk khum ta ahi.

ROMTE 3:9

Ahileh, amau sâng in I phazaw diak ua a hem? Hilo e! Judate leh Grikte chu siatna suak ah um chiat a hiu ti tu’masang ah khanle I ngaw tau kha lam.

JEREMIAH 33:14

Israelte Inkuan leh Judate Inkuan chung ah thil bawl ding ah ka tiamte guitunna ding nite chu hung tung ding ahi tai, Lalpa‘n a tii.

2 SAMUEL 7:19

Aw Lalpa Pathian, ziate hi vang nangma mit mu in thil neucha ahi; la suak Insung thu ding, hun sawt tak nung tiang ding lei gen piak nalai a. Aw Lalpa Pathian, zia thute hi mipite kiziltilna hung hita hen!

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

JEREMIAH 17:9

Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

JOB LEKHABU 15:16

dukdaklona tui gual ah dawn mi chu, bang gual tuk ah ki’dak um leh, buak a hita bep diam!

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

MATTHAI 7:10

Aleh, sanga don taleh kua a hem gul pia ding?

MATTHAI 23:9

Zia lei ah hin kuama he pa, ti chuam kiu in, la Pau pakhat a um hi, van ah um chu.