MATTHAI 6:2 - PATHIAN LEKHABU THIANGTHO (BSI)

² Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

MATTHAI 6:2 Referans Kwoze

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

JOHAN 5:41

Mihing pakchâkna mai hi ka kipakpi puai.

HEBRAITE 13:16

Ahi’n, thilpha hi leh kipanpitua ding hemil puai tiu, zia chu Pathian pom tâk kithoina chu ahi.

LUKA 20:46

“Lekhazikte puanâk chual tawh vâk tawl tawl a nuam un; kaithial lai ah chibai kibûk ngaina, sunagog ah chutna mun sâng deu ngaina leh luaithe’na mun ah chutna phapen ngainate lak in kivêng pha tau in.

JOHAN 7:18

Kuale ama phuakkawm gen chu, ama lopina ding kihawl a hisek hi; ahi’n, ama sawlpa lopina ding hawl tapo chu, zia ngei chu a dik ahi, ama ah chun diklona him him a um puai.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

SAM 37:21

Mi nunsia chun a thunglâk ah, a dit kit ngai pua’n; midikte vang huangphal in thilpiak a thanuam ui.

EPHESA 4:28

Gucha chun gûkchâk haisan hen la, a tasam kiang ah piak ding a neitheina dingin a khut ah dik tak in sêmgim zaw ta hen.

GALATIA 2:10

Gentheite ka het zing ding uh ti bep chu ei dawi ua, zia ngei chu sep ding ka tup himle ala hi.

NASEPTE 10:4

Ama chun lau tak in a vak en ah, “Lalpa, bang a hem?” a tia. Ama chun, a kiang in, “La pauchapnate leh la thilpiakte kha Pathian ma’n het zing dingin a tung to tai.

HOSEA 8:1

Pengkul chu la mukteu tawh sutuau in! Lalpa Inkuan chung ah mulukol gual khat a um hi; ka thuthung a botsiau ah, ka dante a bawsiat tâk ziak un.

1 TIMOTHI 6:18

Amau chun thilpha a hiu ah, nasep pha lam ah a hausat ua, a huangphal ua, a kiphal ding uh ahi.

ROMTE 12:8

mi tîlhat ding chun, mi tîl jel mai hen la; thilpiak lam ah sêm ding chun phal tak in pia mai hen la; lawi upa ah pang ding chunle taima tak in sêm hen la; jangaina tâklang ding chunle thanuam tak in tâklang mai hen.

NASEPTE 24:17

Tu’hin kum bang a hem jat nung in, ka chipite â ding ah thilpiak leh thillat chu pua’n ka hung a.

NASEPTE 10:31

Ka kiang in, ‘Kornelia, la pauchapna kha het in a um ta’n, mite kiang ah la thilpiakte kha le Pathian in a hezing hi.

NASEPTE 10:2

Ama chu Pathian ngaisak tak, a sunghawu ah Pathian lau tak ah khawsa mi, migentheite kiang ah le thilpiak chîng mi, Pathian kiang ah pauchap zing mi ahi.

NASEPTE 9:36

Joppa khua chun nungzui pakhat, a min, Tabitha kiti a um a: Zia chu Grik pau ah Dorka ahi’n. Ama thilpha bawl leh thilpiak pha ah dim mi ahi.

JOHAN 13:29

A lak ua khenkhat chun, Juda chun dangka dip a vop ziakin, “Kûtna mat ding thil poimaw vachaw ding ah Jesu’n a sawl a hem, ahiloleh, gentheite kiang ah piak ding bang a hem chaw ding ah a sawl hi’n a,” a tiu a.

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

LUKA 6:42

Nangma mit ah thingbong um chu mu lo in la unau kiang ah, ‘Unau, la mit ah ki’dak them um chu hun lakdaw piak ing ka’ bangti’n tithei ding la hem? Nang, miphalêm, la mit ah kipat thingbong chu ladok masa’n la, tichun, la unau mit ah kipat ki’dak them um chu ladok dingin muchian thei ta’n la,” a tia.

MARKA 12:39

sunagog ah chutna hoi pen bang, ankuang ûmna mun hoi pen bang a doichuam sek ui.

THUPILTE 20:6

Mi tam takte chu diktat hi’n kigen chiat maleu, mi muan um tak chu kua hem mu zo ding?

THUPILTE 19:17

Migenthei somdawl chun Lalpa thunglâksak ahi’n; ama’n dit kit sik sek in a.

SAM 112:9

Huangphal tak in a hawm jak un, gentheite kiang in a piau a; a diknau chun kumtuang dai in a; a lopinau chu ja’um tak ah choisa’n in um in a.

PHILEMON 1:7

Suapi doitak, la hepina hin kipakna lian tak leh lung muanna nasa tak ka nei hi, nangma ziakin mithiang thote chu suk-hal in a um tau ahi.

1 THESSALONITE 2:6

Nangmau lak hin, midang lak ah hitaleh, mihingte pakchat ka hawl ngai puau hi,

NASEPTE 11:29

Nungzuite chun amau hi’thei dan chiat tuak khawm ah, Judea gam ah unaute panpina dingin thot a guau a;

LUKA 13:15

Lalpa chun, “Nang miphalêm, la lak ua hin kuale sabbath ni, bawng a hem, sabiltung a hem a bûk ah um chu vatham ah tui vadawnsak lo ding la um ua a hem?

LUKA 12:56

Nanghaw miphalêmte haw! Khua leh van umdante hawle la hethiam ui; bangtidan ah hun umdante hi hethei lo la hiu em?” a tia.

LUKA 12:33

La thil neiteu chu zuak un la, gentheite kiang in piau in; Paisa dip lui theilo chu kingaituau inla, guchate’n le a nai theilonau, a nget inle a nêk siat theilona van ah chun khol khawm zaw tau in.

LUKA 11:43

Nanghaw Pharisaite haw, la chung uh a gik hi! Sunagog ah chutna mun sâng sâng la ngainau a, kaithial ah chibai kibukte la nuam ui.

LUKA 11:41

Himaleh, la nei leh lamteu chu migentheite kiang in pia zaw leu chin, nang uh â dingin bangkim a thiang ahi.

LUKA 6:24

Himaleh, nang uh mi hausate haw, la chung uh a gik hi! La thamuannau chu la mu zo tangal un!

MARKA 7:6

Ama chun a kiang un, “Nanghaw miphalêmte haw, Isai in la chungthuu a la gen hi a dik ngut hilam: Zia mite hin a kam un ei chawihoi un, a lungthim un vang ei gamlat ma mau hi.

MATTHAI 24:51

tumni hun sua intin, miphalêmte chan chu chansak intin; zia tak ah chun kâ leh hagial um ta’n a, a tia.

MATTHAI 23:6

Luaithe’na In leh Sunagog ah chun chutna phapente chan ah,

MATTHAI 22:18

Himaleh, Jesu’n a lungthim gitlo ziau chu a la he, a kiang ua chun, “Nanghaw mi phalêmte haw, bangatia ei ze-et la hiu em?

MATTHAI 16:3

Chuleh, jingkal lam ah kawl a hung san ah, a hung thim leh, van san a suak in a hung thim hi, khua sia ding ahi, la ti kit sek ui. Aw nanghaw, mi phalêmte haw, van ah kipat in khua umdan ding la helawk thei ngal un; ahiziakin zia hun teptênate hi la hethei puau hi.

MATTHAI 15:7

Miphalêmte haw, la chung thuu ah Isai in a la genlawkte hi la sudik ten uh ahi hi:

ISAI 58:7

Gilkialte nêk ding la piak ah, In leh lou bei gentheite la In ah la chênsak ah, nîk leh puan beite la thuam ah, la sang la suaiteu la kisêlmang san lo ding uh hilo maw?

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

THUGENTU 11:2

La thilneite chu mun sagi a hem, mun giat tiang in hawm jak in; lei chung ah hin bang gual hun phalo in, hun tun khum ding a hem ti, la hepaw ngal a.

1 SAMUEL 15:30

Ziaphatchun, Saul in, “Ka la gilo tai; himaleh, ka mipite leh upate ma-âng ah hin ja’ngai inla, Lalpa la Pathian ka biak theina dingin ei chiapi kit in,” ti’n a gen a.

MATTHAI 7:5

Nang, mi kiphatsak, a masa’n nang mit ah kipat thingtum kha ladok masa’n la; chutichun la unau mit ah ki’dak neucha um chu, ladok thei dingin muchian thei ta’n la.

MATTHAI 5:18

Titakzet in ka hil la hiu, Lei leh Van a manthai masia, Dan thu sutvom neucha a hem, zikvom neucha a hem, a leng ua a tunkim masang sia pakhat chale mangthai pua’n a.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

MATTHAI 6:3

Nang la hileh tasam kiang ah thil khat la piak in, la khut changlam in a hi’chu la veilam in he ki’hen,

MATTHAI 23:5

A thil hi’ taphotteu chu mihing mit mu dingin a hi’sek un, a thilbuu leh a dialkopteu chu a hi’lian un, a puanâk mongteu chu a hi’pawm ui.

1 KORINTH 13:3

Ka thil nei zosia pezo kei in, ka taksale pedok ziang maleng, hepina ka neilo chun bangma ka lawkpi puai.