MATTHAI 5:11 - PATHIAN LEKHABU THIANGTHO (BSI)

¹¹ Keima ziak ah min a hun hosiat ua, a hun sukgenthei ua, juau ah thu phalo zosia a hun hêk phat ua leh mi hampha la hiu.

MATTHAI 5:11 Referans Kwoze

1 PETER 4:14

Khrista min ziak ah vau la hiu leh mi hampha la hiu; lopina leh Pathian Thagau chu la chung un a um tai.

LUKA 21:17

Keima min ziakin mi zosia muda hung hi’n lau.

MARKA 13:13

Keima min ziakin mi zosia muda hi’n lau; himaleh, a tawp tiang ah thuakzote chu hukhin in um in au.

MATTHAI 24:9

Nang uh chu gawt dingin hun matsak intiu in, tha le hun that in au; ka min ziakin nam zosia huat in um in lau.

LUKA 6:22

Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

1 PETER 2:23

Mi hosiat ah a um lai in a hosia thuk pua’n, a thok lai in a vau thuk diak puai; dik tak ah vaihawmpa kiang ah chun a kipe zaw ahi.

JOHAN 15:21

Himalehle, zia thil zosia hi ka min ziakin la chung un hun bawl in au, kei ei sawlpa a het lo ziak un.

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

MATTHAI 10:39

Kua’nle ama hinna ding bep a ngaitua chun chân intin; kuale keima ziak ah a hinna chân chun mu’n a.

THUPUAN 2:3

Thok le la thuak ta’n, himaleh, la thuak zo jel hi; ka min ziakin la sêmgim ta’n; himaleh, la chau diak puai.

MATTHAI 19:29

Kuale ka min ziak ah In a hem, a suapipa a hem, suapinu a hem, a nu a hem, a pa a hem, a ji a hem, a cha a hem, a gam a hem nusia chun, a le, za’n mu’n tiu in, kumtuang hinna chang in au.

2 KORINTH 4:11

Kei uh hing dam ah umte hi Jesu ziak ah thi ding ah piakdaw ka hi mat chet ui; Jesu hinna le ka taksau thi thei ah hin a kilat theina dingin.

1 KORINTH 4:10

Kei uh hi Khrista ziakin mingol ka hiu ah, nanghaw vang Khrista ziakin mipil la hitau hi. Ka jawngkhal un, nang uh vang la hât nau hi. Mi choisa’n in la um un, kei uh mi mu tawm in ka um ui.

ROMTE 8:36

“Nangma ziakin nitum in tha in ka um sek un; belam tha ding gual ah sim in ka um ui,” ti ah zik gual khan.

LUKA 21:12

Himaleh, zia zosia chu a hung guitun suak masang in, hun man intiu in, hun sawi intiu in, kikhopna In ah hun pedok intiu in, suangkul inle hun khum in au; ka min ziakin lengte leh vaihawmte ma ah pui in um ding la hiu.

LUKA 9:24

Kuale a hinna hukhin nuam chun chân intin, kuale keima ziak ah a hinna chân chun, zia mi ngei chun a hinna chu humbit in a.

MARKA 8:35

Kuale a hinna humbit chun chân intin, kuale keima leh chanchinpha ziak ah a hinna chân chun humbit ngei in a.

MATTHAI 10:25

Nungzui chu a hotu gual ah a hung um ah, suak le a pu gual ah a hung um leh hun tawk ahi. Insung khat ah a luchang pen bawn Belzebul a tiu leh, a Insung mite chu tina lawm lawm in au e!

NASEPTE 9:16

ka min ziak ah bang gual gentheina a hem a thok ding, a kiang in hun hiatsak ding ka hi,” ti’n a dawnhu a.

SAM 44:22

Nangma ziakin nitum ah tha in ka um zing un, belam thalup ding gual ah ngai ka hiu.

MARKA 13:9

Himaleh, nanghaw vang chingthei tak in um un; vaihawmte hun mat sak intiu in, sunagog ah hun vua’n tin uh; keima ziakin vaihawmte leh lengte ma ah, amau hiatsakna dingin pui in um in lau.

MATTHAI 27:39

A kiang hun haw malamte chun a luu a sukkhum un, a eng eng in a ho malam un:

MARKA 4:17

himaleh, amau ah chun zung him him a um pua’n, hun chomcha thuak zo in, zia nung chuleh, thu ziak ah sukgentheina leh engbawlnate a hung um phat leh a pûk ta sek uh ahi.

MATTHAI 10:18

ahi, keima ziakin vaihawmte leh lengte ma-âng ah, amau leh Jentelte kiang ah hiatsakna dingin hun pui in au.

JOHAN 9:28

Ama chu a vau tau a, “Nang ama nungzui la hi’n, kei uh Mosi nungzui ka hiu.

SAM 35:11

Ka siatna ding hawl in hiatpite a ding un; ka thil het ngailote ei dong sek ui.

ISAI 25:8

Ziaphat chuleh, Lalpa Pathian in, maichang zosia ah mitthi thiak-hul ta’n tin; chuleh, a mipite mualpho’na zosia, lei chung ah kipat in lamang ta’n a; Lalpa‘n zia gual chun a la gen ta’ngal a.

ISAI 51:7

Nanghaw a dik hete haw, ka hilna thu lungthim ah vopte haw, ngai un; midangte hun vauna chu lau kiu inla, a hun engho lai unle lungthuai kiu in.

JEREMIAH 37:14

Jeremiah in a kiang in, “Zuau thu ahi chu; kei Kaldai mite kiang lam in ka jam puai,” ti’n a dawnhu a. Himaleh, Irijah chun a ngaisak pua’n, Jeremiah chu a man tei tei ah, milian leh lalte kiang in a pui tai.

PHILIPPI 1:29

A jangaina ziak ah Khrista la gin bep uh hilo in, ama ziak ah la thok uh le phal ahi.