MATTHAI 4:11 - PATHIAN LEKHABU THIANGTHO (BSI)

¹¹ Ziazaw chun, diabol chun a nusia ta’n; vansawlchâkte a hung un, a na a hung sep piak tau hi.

MATTHAI 4:11 Referans Kwoze

MATTHAI 26:53

Ei panpi ding in ka Pa kiang in don leng, ama chun vansawlchâkte sang guk mun sawm leh ni sâng ah tam zaw le hun sawl thei ahi ti helo la hiu em?

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

LUKA 22:43

Zia lai tak ah chun, van ah kipat in vansawlchâk pakhat a kiang in a hung kilâk ah, a hung hi’hat a.

LUKA 4:13

Diabol chun a theptheina zosia mang in a thêm ah, a zaw lo phatin hun lemchâng dang â dingin a nusia tai.

HEBRAITE 1:6

Chuleh, Pathian in zia a chapa masa pen chu khawvel ah a hun sawl lai in, “Pathian vansawlchâkte’n ama chu be tau hen,” a ti kit a.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

LUKA 22:53

Nisi’n ah tempul sung ah ka um sek lai khan la lei man puau a; himaleh, tu’hi nanghaw leh thim thilhitheina hun chu ahi,” a tia.

MARKA 1:13

Gamthip ah chun Setan thep in ni sawmli a um a; gamsa lak in a um ah, vansawlchâkte chun na a hung sep piak tau a.

MATTHAI 4:6

“Pathian Chapa la hileh chawmtha’n, la chung thu ah hin, ‘A vansawlchakte chu thu pia’n tin, a khut un hun dom intiu in, chutichun, la keng in suang khat chale suikha pua’n la,’ ti zik gual ah khan,” a tia.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

1 LENGTE 19:6

A vak et leh a luchang zawnah chun suang âm ah kikang vaithum tawh, tui thawl khat a um ah. A ne, a dawn ah, a lum kit tai.