MATTHAI 3:15 - PATHIAN LEKHABU THIANGTHO (BSI)

¹⁵ Himaleh, Jesu’n a kiang in, “Tu’hin ei chansak mai in, zia gual ah dikna dan zosia sukbukim hi I bawl dingin a kilawm hi,” ti’n a dawnhu a; tichun lem a sa tai.

MATTHAI 3:15 Referans Kwoze

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

JOHAN 13:15

La chung ua ka bawl gual ah nang unle la bawl ding dan uh la etton ding un ka bawl ahi.

ISAI 42:21

Lalpa chun a dikna ziakin, a zilsakna choisa’n ah suklopi chu a lung lam tak ahi.

1 JOHAN 2:6

Kuale ama ah ka um zing hi ti tapo chu, ama tawidan gual in a tawi ding ahi.

LUKA 1:6

Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.

JOHAN 8:29

Keima ei sawlpa hi keima tawh um khawm ka hiu; ama kipakna ding bep ka bawl zing sek ziakin, ama chun kei ngawn in ei nusia ngai puai,” a tia.

HEBRAITE 7:26

Tichun, thiampu lianpen, thiangtho, poikhoi lo, buakna neilo, migilote ah kipat um chuam, vante sâng ah chungnung zaw ah siam, I mamawteu â ding ah hun tawk I nei uh chu a kilawm him ta ahi.

MATTHAI 3:14

Himaleh, Johan chun, “Nang in lei baptis zawk sik ah, ka kiang ah la hung zaw ahi maw?” ti’n nan a la gua.