MATTHAI 3:11 - PATHIAN LEKHABU THIANGTHO (BSI)

¹¹ Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

MATTHAI 3:11 Referans Kwoze

LUKA 3:16

Johan in a kiang un, “Kei hin vang tui in ka baptis sek hi; ahi’n, keima sâng ah lopi zaw hung ding ahi, a kengtawdap khau tham tâk le ka hi puai; ama chun Thagau Thiangtho leh mei in hun baptis ding ahi.

ISAI 4:4

Lalpa‘n vaihawmna thagau leh katmangna thagau ah, Zion chanute a buaknau zosia a sawp thian ah, Jerusalem thisan sua’na ziakah a buaknau zosia a silthian phat leh,

NASEPTE 1:5

Johan khan tui in a baptis sek a; himaleh, tu’nung ni sawt lo cha sung in Thagau Thiangtho ah baptisma chang ding la hiu, a ti’n.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

TITA 3:5

dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

1 KORINTH 12:13

Thagau pakhat ah I leng ua taksa pumkhat ah baptis I hitau a; Juda hi’n Jentel hi taleu, suak hi’n, suak lo hitaleu hinle; Thagau pakhat ah dawn khawm chiat ding ah siam I hiu.

MATTHAI 3:6

a gitlonateu kipuang in, Jordan lui ah chun baptisma a chang chiat tau hi.

NASEPTE 19:4

Ziaphatchun Paul in, “Johan in gitlo haisanna dingin mi a baptis sek a; ziaziakchun, mipite kiang in a nung ah hung ding chu a gintheina ding ua, zia chu Jesu gin ding ahi, ti thu a la gen ahi kha,” a tia.

LUKA 1:17

Chuleh, pate lungthim chu chate lam ah kiheisak ding leh, thu awilote chu midiktat te pilna lam ah kiheisak ding leh, mipite chu Lalpa â ding ah kisak lawksak dingin, Elijah thagau leh thilhitheina pu’n ama ma-âng ah a la chia masa ding ahi,” a tia.

JOHAN 1:30

Zia pa saw ahi, ‘Ka nung ah hung ding, himaleh, ei makhel ta hen, ka malam ah umsa him ahi,’ ka ti kha.

MARKA 1:4

Gamthip ah kipat in Baptispa Johan chu, gitlo ngaidamna ding ah gitlo haisanna baptisma thu gen in a hung pawtdok a.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

JOHAN 1:15

Johan in a chanchin a hiatsak a, “Zia mi, ka nung ah hung dingpa chun ei makhel tai, ka malam ah umsa him ahi, tia ka gen sek kha ama hi ahi,” a tia.

LUKA 3:3

Ama chun, gitlona ngaidamna ding ah gitlo haisanna baptisma thu chu, Jordan lui kîmvêl ah chun a gen vêl vêl a.

NASEPTE 8:36

A kiton pek lai ua chun lui pakhat a tung ua, mi kigetpa chun, “Entia, zia tak ah hin tui a um hi, baptisma ka channa ding bang ei dâl a um em?” a hun ti’n.

NASEPTE 8:38

Tichun, a kângtalai chu a cholsak ah; Philip leh mi kigetpa chu a paniu in tui umna chun a chiau a; Philip in ama chu a baptis tai.