MATTHAI 26:41 - PATHIAN LEKHABU THIANGTHO (BSI)

⁴¹ Kivêng unla, thepna la lut lona ding un pauchap un; thagau in vang a ngapcha hen, taksa ahileh vang a hat lo ahi hi, a tia.

MATTHAI 26:41 Referans Kwoze

LUKA 22:46

“Bangatia, ipmu la hiu em? Hung tho unla, thepna la lut lona ding un pauchap un,” a tia.

MARKA 14:38

Thepna la lut lona ding un kiging zingin pauchap un, thagau in vang a ngapcha’n, taksa vang a hat lo ahi,” a tia.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

THUPUAN 16:15

(Ngai un, gucha gual in ka hung hi. Kuale kiging zing ah umte leh puanchêng zingte chu mi hampha a hiu. A la kiginglote chu ngawnchang in um intiu in, mualpho in au.)

1 KORINTH 16:13

Kivêng unla, ginna’n ding det in, hangsan tak leh hat tak in um un.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

1 KORINTH 10:13

Mitin chung ah patepna vântâng tilo la chung un patepna a tung kha puai. Pathian chu a ginum in, la zaw khêl uh chetna la chung un tunsak pua’n a; la thokzawna ding un chetna tawh kigual in taidawna lampi hun bawl piak in a.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

MATTHAI 24:42

Ziaziakchun, kiging zingin um un; la Lalpau chu bangtik ah hung ding ahi la hepaw ngal un.

THUPUAN 3:10

Ka thu, thok gunchuna chu la vop zing ziakin, khawvel ah mi zosia patepna hung tung ding ah hin, patep ah la um phât leh keima’nle hun humbit ding ka hi.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

LUKA 22:40

A tun phat un a kiang un, “Thepna la lut lona ding un pauchap un,” a tia.

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

1 KORINTH 9:27

himaleh, midangte kiang ah ka tângkopi nung ah paithâk ah ka um lona ding in, ka taksa hi sawizoi in ka thunun sek ahi.

MATTHAI 25:13

Zia gual chun, kiging zing in um un, Mihing Chapa hung ding ni leh, a hun ding bangma la he pawngal un, a tia.

SAM 119:32

La thupiak lampi del ing ka tin, ka hiatthiamna lei suklet piak ta’ngal a.

MATTHAI 26:38

Chuleh, a kiang un, ka lung a gim ma ma ziang hen, thina khop hial a hi; zia tak ah hin a la um unla, ei la vênpiu in, a tia.

SAM 119:1

Dem kâi lo ah um ah, Lalpa dan dungzui ah umte chu a nau a vâk hi.

ROMTE 8:3

Chutichun, Dan in a mamaw chu, ei uh taksa dan ah chawn lo ah, Thagau dan ah chawnte ah hin sukbukim ahitheina dingin,

LUKA 11:4

Ka chung ua thil hikhialte ka ngaidam sek gual un, nang inle ka thil hikhialteu ei ngaidam in. Chetna hun ah ei puilût kin’ ti in,” a tia.

LUKA 8:13

Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

SAM 119:117

Ka bit ah, la thuguatte, ka khawksak thei zingna dingin, ei tuzing in.

SAM 119:115

Ka Pathian thupiakte chu ka vop phat theina dingin, nanghaw thil phalo bawl zosiate haw, ei nusia sik sek tau in.