MATTHAI 26:10 - PATHIAN LEKHABU THIANGTHO (BSI)

¹⁰ Jesu’n a het phat in, a kiang un, bangatia, zia numei hi la sukbuai uh a hem? Ama hin ka chung ah thilpha tak a bawl hi.

MATTHAI 26:10 Referans Kwoze

TITA 3:8

Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

TITA 3:14

Chuleh, I mipiteu khan ga sua lo ah a um lona ding un, thil mamawte sêmdok dingin nasep pha sep dan zilsak in.

TITA 3:1

Kuale a chung ua vaihawmte leh thuneite nuai ah kitulut ding leh, thumang ding leh, napha taphot sêm ding ah kisazo ding leh,

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

TITA 1:16

Pathian he a kitiu in, himaleh a nasep ua chun ama a kihetlosak ui. Ki’dak um tak leh thu awilo tak in, thilpha hi’na ding lam taphot in a ting zo ta puau hi.

2 TIMOTHI 2:21

Kuale zia thil phalo ka gente lak ah kipat a kihi’thiantho chun, bêl manpha, In neipa â ding ah a thiangthosa leh mat tâk, nasep pha zosia ah matthei ngal chu hi’n a.

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

1 TIMOTHI 3:1

Kua’nle, kochuam hotulian ah pan nopna a nei chun, nasep pha dawi ahi, ti hi a dik hi.

2 THESSALONITE 2:17

la lunggil uh thamuansak in, nasep pha leh thugen in hun sudet ta hen.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

GALATIA 6:17

Tu’khêl vang kuama’n ei subuai ta kiu hen; ka taksa ah hin Jesu teptênate chu ka paw ta ngal a.

GALATIA 5:12

Nang uh hun subuaite hi paithâk hingal ngal leu ka nuam ahi.

GALATIA 1:7

Chanchinpha dang um a hipua’n, nangmau hun subuai in, Khrista Chanchinpha sukdanglam nuam kuate a hem a la um ahi.

2 KORINTH 9:8

Pathian in a hepina bukim a hun vuk khum thei hi; tichun, bangkim a hun bepcha nei zing in, nasep pha zosia dingin hau thei in lau.

MARKA 14:6

Jesu chun, “A hi’ hi’ chu hi’sak tau in, bangatia la sukbuai uh a hem? Ka chung ah hin thilpha tak a bawl ahi.

JOB LEKHABU 13:7

Pathian â ding ah diklo tak ah thu gen in, a kiang ah zuau thei tak in thu gen ding la hiu em?

NEHEMIAH 2:18

Chuleh, ka Pathian ei doisakna thute leh lengpa’n ka kiangah thu ei gente khale ka hil tai. Ziaphatchun, amau in, “Bawl pan ngâl hitiu!” a ti tau a. Mipi phatna ding ah na chu sêm dingin a kipan tau a.

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

MATTHAI 26:9

Zia sathau hi man tam tak ah zok ah, migentheite kiang ah piakzawk ding hive’n, a tiu a.

MATTHAI 26:11

Migenthei chu la lak un a um zing hi; kei ka hileh la lak un um zing lo ding ka hi.

LUKA 8:49

Zia thute chu a la gen lai tak in, sunagog ah hotupa In ah kipat chun mi pakhat a hung tai ah, “La chanu kha a thi tai: Hotupa kha sukbuai dâ mai ta’n,” ti’n a hung gen a.