MATTHAI 24:6 - PATHIAN LEKHABU THIANGTHO (BSI)

⁶ Kidona leh kido thuthangte hia’n la tiu in; la lungkham lona ding un kivêng un; zia thil zosia chu a hung tung ding him chu ahi; himaleh, a tawpna chu hiziang pua’n a.

MATTHAI 24:6 Referans Kwoze

LUKA 21:9

Helna thute leh gâl thuthangte la hun het tak ua leh, lungkham ziang kiu in; zia thilte chu a hung tung masa ding him ahi; himaleh, a tawpna ding tak tak chu hiziang naipua’n a,” a tia.

JOHAN 14:1

La lungthim uh lungkham ki’hen, Pathian la ging ui, keima le ei ging tau in.

2 THESSALONITE 2:2

Lalpa ni chu a tung zo tai ti’na thagau in a hem, thu zik in a hem, keimau ah kipat hileh kilawm lekha thotte ziakin a hem, la lungthim uh a kilîng lo ding leh buai lo dingin ka ni’ la hiu.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

SAM 112:7

Thusia hetkhak ding a lau puau in; Lalpa ah chun lungthim det in, a muang ui.

MATTHAI 24:14

Chuleh, zia Gam Chanchinpha hi nam zosia hiatsakna dingin khawvel zosia ah genjak in um intin; ziazaw chuleh, tawpna chu hung tung in a.

LUKA 21:19

La thok-hatna ziak un la hinnau humbit in lau.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

LUKA 22:37

Ka hil la hiu, ka chungchâng thu ah kizik: Ama chu migilote lak ah simkhawm ahi, ti thu kha; zia gual ah ka chung thu ah kigente kha guitung kim ding ahi tai,” a tia.

MATTHAI 26:54

Himaleh, zia gual ah chun hi taleng bangti’n Pathian Lekha thu guitung thei ding a hem? a tia.

EZEKIEL 21:28

Nang mihing in vang zia gual hin thu gen mai in: Lalpa Pathian in Ammon mite chung thu leh a demna zia gual hin a gen hi: Chemjam, Chemjam! Mi that ding ah jukdawsa’n a um hi. Val zo ding ah nawtval, kawlphe gual ah val ding.

JEREMIAH 47:6

Katei, Lalpa Chemjam! Bang chan thip nalai ding la hem? La chempâi ah kithun lut inla, kichawldam in la thip ta’n!

ISAI 7:4

a kiang in, Chingthei tak in um inla, thip hiat hiat in; zia meisel de liak liak gual bep, Rezin leh Suria tawh Remaliah chapa lungnatna huaisia takte ziak ah hi’n lau kin la, la lung thuaisak him him kin.

MATTHAI 2:3

Lengpa Herod in zia chu a het phat in a lauthawng ta’n, Jerusalem ah mi zosia le a lauthawng tau hi.

THUPUAN 6:4

Sakol chuam dang khat a hung pawt ah, zia chu a san a hia; a chung ah chuangpa kiang ah chun, lei ah kipat kichamna lakdawna ding leh mi kithatuasak theina ding ah thilhitheina piak ahia; chuleh chemjam lian tak khat le a hun piau a.