MATTHAI 23:12 - PATHIAN LEKHABU THIANGTHO (BSI)

¹² Kuale ama leh ama kichawisâng chu, mutawm in um intin; chuleh, kingaitawm chu choisa’n in um in a.

MATTHAI 23:12 Referans Kwoze

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

JAKOB 4:6

Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.

LUKA 14:11

Ama kingaisangte chu suktawm in um intiu in; ama kingaitawmte chu vang choisa’n in um in au,” a tia.

THUPILTE 29:23

Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

LUKA 18:14

Ka hil la hiu, a masa pa sâng in zia pa chu thiamchang ah um in a In lam in a chia suk tai. Ama kichawisâng tapo sukniam hi’n tiu in, kingainiamte chu choisa’n in um in au,” a tia.

MATTHAI 18:4

Kuale zia naupang gual ah kingainiam tapo chu, zia mi chu van-gam ah a lopi pen hung hiding ahi.

THUPILTE 15:33

Lalpa launa chu pilna lampi kihilna ahi’n; kingaitawmna chu choisa’n ah umtheina ahi.

MATTHAI 5:3

Thagau ah tasam ahi lam kihete chu mi hampha a hiu, van-gam chu amau â ahi ngal a.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

JOB LEKHABU 22:29

Mite tawden ah a um phat ua leh, a kiletsak ziak ahi la tiu ah; mi kingainiamte ama’n a hukdok sek ngâl a.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

SAM 138:6

Lalpa chu sâng tak in um maleh, mu tawm ah umte chu a ngaitua sek hi; michapote vang gamla tak ah kipat in a muchian hi.

1 PETER 5:6

Ziaziakchun, a hun tak ah a hun chawihoi theina dingin, Pathian khut hât tak nuai in kikoi niam un.