MATTHAI 2:13 - PATHIAN LEKHABU THIANGTHO (BSI)

¹³ A chia mang nung un, Lalpa vansawlchâk chu Joseph mang in a hung kilâk a, “Tho inla, nausen leh a nu pui inla, Aigupta gam ah jam inla, ka hun hil kit masia zia tak ah chun um zing un; Herod in nausen hi’mangthai dingin hawl ding ahi,” a tia.

MATTHAI 2:13 Referans Kwoze

NASEPTE 12:11

Peter chu a hung pil phatin, “Lalpa‘n a vansawlchâk a hun sawl ah, Herod khut leh Juda mite kinepna zosia ah kipat ei hukdok ahi ti tu’hin dik tak in ka he tai,” a tia.

NASEPTE 10:7

Kornelia kiang ah thu hung gen vansawlchâk chu a chia mang phatin, a In ah a suakte lak ah mi pani a ko a; chuleh, sepai kipezo tak, ama en zui zo zing khat tawh,

NASEPTE 5:19

Himaleh, jan kâl in Lalpa vansawlchâk chun suangkul kotkhak chu a hung hon piak ah, a puidok ah, a kiang un,

MATTHAI 2:12

Chuleh, Herod kiang ah chia kit talo dingin a mang ua hil ah a um ziak un, lampi chuam in a gam lam un a chia kit tau hi.

MATTHAI 1:20

Himaleh, zia thu chu a ngaitua lai in, a mang ah Lalpa vansawlchâk a kiangin a hung kilâk a: “Joseph, David Chapa, Mari chu kichenpi lau kin; a nauvop chu Thagau Thiangtho vopsak ahi.

PAWTDAWNA THU 1:22

Ziaphatchun, Pharaoh in a mipite kiang in, “Hebrai mite chapa zosia chu Nail luipi ah la pai lut sik sek diu ahi, numeite bep la hawi ding uh ahi,” ti’n thu a pia tai.

MATTHAI 2:16

Herod in, Mipilte chun ama a lepbawl uh ahi, ti a hetdok phatin a lungna ta ma ma a. Tichun, mi a sawl ah, aksi kilat lai ah mipilte thu a dotna hun dungzui in, Beth-lehem leh a kîmvêl ah naupang kum ni ah pat a nuai lam zosia chu a that tai.

JOB LEKHABU 33:15

Mihingte tui tak ah, a khum laijawl ua a i-mut lit lit lai un, mang lam leh jan kilâkna’n,

JOB LEKHABU 33:17

a thilbawl phalo teu a haisan ua, a kiletsak theilona ding uh leh,

JOSHUA 4:18

Lalpa thuthung thingkuang jawn thiampute chu Jordan lui lai ah kipat a hung pawtdok ua, thiampute keng in mualkâng a chot phat in, Jordan lui tuite chu a luan ngai in, a luikam dim in a luang mat kit tai.

THUPUAN 12:14

Numei chu, hun khat, hunte leh hun kim khat sung, zia gûlpi ah kipat chu jam mang ah gamthip ah ama vâk ah a umna mun ah leng lut dingin mupi thâ pani a piau a.

NASEPTE 16:36

Suangkul vêngpa chun zia thu chu Paul kiang in a hun tut ah, “Thukhente chun thâdokna ding thu a hun puang tau hi; ziaziakchun, hung pawtdok unla, thamuang tak in chia tau in,” a tia.

NASEPTE 10:22

Amau chun, “Kornelia kiti, sepai za hotu, mi ginum tak leh Pathian kicha tak ah khawsa leh, Juda nam zosiate lak ah le minpha tak ah um chu, Pathian ah kipat hung vansawlchâk thiangtho hiatsak in, a In ah nangma vachia ah, la thugen a ngaithâk theina dingin a hung ko ding ah ei sawl ah, hung ka hiu,” a vatiu a.

NASEPTE 7:19

Ama chun I chiteu chu dawha’n a hun bawl ah; I pu leh pateu chun a chasenteu chu thi dingin a nutsiasak sek a.

MATTHAI 10:23

Chutichun, zia khua chun a sukgenthei phat ua leh khaw dang ah taisan un; titakzet in ka hil la hiu, Mihing Chapa a hung masang in Israelte khua haw chu chuan suak pua’n lau.

JOSHUA 3:17

Israel mipi zosia’n lei hul ah chia ah, a leng ua Jordan lui a gâlkâi masang siau chu Lalpa thuthung thingkuang jawn thiampute chu Jordan lui lai tak in, lei hul ah chun a ding den tau a.

THUPUAN 12:6

Chun, numeinu chu ni sang khat za ni leh sawmguk vâk ah a umna ding mun, Pathian mun guanggal piakna gamthip ah chun a jam mang tai.

JOSHUA 4:10

Mosi’n Joshua thu a la piak gual in, Lalpa‘n mipite kiang ah hi ding ah Joshua thu a la piak zosia a bawl zaw masiau chu, thuthung thingkuang jawn thiampute chu Jordan lui lai tak in a ding den tau a. Tichun, mipite chu kinaw tak in a gâl kâi zo tau hi.

JOSHUA 3:13

Lei chung zosia ah Lalpa, Lalpa thuthung thingkuang jawn thiampute keng in Jordan lui tui a chotkhâk phat phat leh, Jordan lui tui saklam ah kipat hung luang suk chu tan intin, ding den in, kisia vûm ziang ta’n ah,” a tia.

THUPUAN 12:4

A mei in van ah aksi mun thum ah khen mun khat jat chu a luaitha, lei a chun a septha; zia numei nau chu a suak phat leh a la val zo ziang dingin numei âng ah chun a ding zing a.

MATTHAI 2:22

Himaleh, Arkelaus, a pa Herod thasâng in Judai gam ah leng in a pang hi ti a het phat in, zia tak ah chia chu a lau a. Chun, a mang ah hil ah a um gual in, Galili lam in a chia zaw tai.

1 LENGTE 3:5

Gibeon mun ah chun, Solomon kiang in jan ah a mang in Lalpa a hung kilâk ah; Pathian in a kiang in, “Bang a hem ka hun piak ding, don in,” a tia.

MATTHAI 2:14

Tichun, Joseph chu a tho ah, jan kâl in nausen leh a nu chu a pui ah, Aigupta lam a zuan tau hi.

NASEPTE 12:7

Lalpa vansawlchâk pakhat a kiang in a hung lut ah, suangkul sung chu a hung salvâk tai. Peter pangche a hun bêng ah, “Tho vak in,” a tia. Chuleh, a kihênna khaute chu a khut ah kipat in a kitham tai.

1 LENGTE 11:17

himaleh, Hadad tawh a pa suak ah pang, Edom mi khenkhat chu Aigupta lam ah a la jam mang tau a. Ama chu zia hun lai ah chun naupang cha a hi nalai hi.