MATTHAI 18:9 - PATHIAN LEKHABU THIANGTHO (BSI)

⁹ Chuleh, la mit in a pûksak chun kheldok inla, paimang ziang in; mit pani nei a gawtmun meidil ah la um sâng in, mit langkhat bei ah hinna la lut chu a pha zawi.

MATTHAI 18:9 Referans Kwoze

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

MATTHAI 18:8

Ziaziakchun, la khut a hem, la keng a hem in a hun pûksak chun, tan inla, paimang mai in; khut pani a hem, keng pani a hem nei ah kumtuang meidil ah la chia sâng in, kengbai a hem, khut langkhat bei a hem ah hinna la lut chu nang â dingin a pha zawi.

MATTHAI 5:29

La mit changlam in a hun hi’puk ahileh, kheldok inla, pai mang ziang in; taksa bukim ah gawtmun ah chia sâng in, taksa bâk pakhat manthai chu nang â dingin a pha zawi.

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.

HEBRAITE 4:11

Ziaziakchun, zia cholna chu lut dingin phatchuamngai tak in sêmgim hitiu; chutilochun, a ginlo ziak ua pûkte gual ah khan, kua a hem a la pûk kha’n lau.

MARKA 9:47

Chuleh, la mit in a hun hi’puk leh kheldok mai in; mit pani nei ah gawtmun mei mit theilo ah la chia sâng in, mit langkhat bei ah Pathian gam ah lut chu nang â dingin a phazawi.

MATTHAI 19:17

Ama’n a kiang in, bangatileh, a pha ei dong la hem? A pha pakhat bep a um a, zia chu Pathian ahi; hinna lut la nop leh thupiakte kha zui in, a tia.

MATTHAI 16:26

Min khawvel hi a pum in nei hen la, a hinna chân leh, ama â dingin bang a phachuam diam? Ahiloleh, min a hinna sik in bang a pia diam? a tia.