MATTHAI 17:6 - PATHIAN LEKHABU THIANGTHO (BSI)

⁶ Nungzuite chun zia chu a het un a lau ma mau ah, a mai ua leitual si’n a bokkhup tau hi.

MATTHAI 17:6 Referans Kwoze

2 PETER 1:18

Chun, tâng thiangtho ah a kiang ah ka um lai ua khan, zia aw chu van ah kipat in a hung gi’ ti ka hiau hi.

NASEPTE 26:14

ka leng ua leitual ah ka kipûk chiat phat un, Hebrai pau in, Saul, Saul, bangatia ei sugenthei la hem? Sutna thikzum sui chu nang â dingin a na zaw ahi, a hun ti’n.

NASEPTE 22:7

Ziaphatchun, leitual in ka kipuk ta’n; chun, aw khat ka hun he, Saul, Saul, bang a tia ei hi’genthei la hem? ei hun ti’n.

DANIAL 8:17

Tichun, ka dinna mun lam nai in a hung ah, ka kiang a hung tun phatin ka ti a za ma ma ah, lei tual in ka bokkhup ta mai a. Himaleh, ka kiang in, “Aw mihing thi thei, kilâkna la mu kha huntawp lam ah thil tungding ahi ti hia’n,” ti’n ei hun ho a.

EZEKIEL 43:3

Ka thil mu chu, Jerusalem khawpi susia ding ah hung, Khebar lui pang ah ka la mu gual gual kha ahi’n; tichun, ka mai ah lei tual si’n ka bokkhup tai.

EZEKIEL 3:23

Tichun, ka kipan ah, phâijawl ah chun ka chia ta’n; chuleh, Khebar lui pang ah a lopina ka la mu gual khan Lalpa lopina, zia tak ah chun a la ding ta’n; tichun, ka mai ah lei tual si’n ka bokkhup tai.

1 KHANGTHU 21:16

David in a et to leh, Lalpa vansawlchâk Jerusalem lam zuan ah chemjam lâmsa, lei leh van kikâlah ding zing chu a mu ta’n. Ziaphatchun, David tawh a miliante chu saidip puan sil in, a maichang ua lei tual si’n a bokkhup tau hi.

VAIHAWMTE 13:22

Chun, Manoah in a ji kiang in, “Pathian I mu tâk ziakin, thi ngei ngei ding I hi,” a tia.

VAIHAWMTE 13:20

Mâichâm ah kipat meikuang van lam zuan ah a kuandok phatin, Manoah leh a ji’n a et zing lai un, mâichâm ah kipat meikuang ah chun Lalpa vansawlchâk a kal to ta’n; chuleh, a maichang ua lei tual si’n a bawk khup tau a.

THIAMPUTE LEKHABU 9:24

Lalpa ma ah kipat in meikuang a hung pawtdok ah, mâichâm chung ah hâlmang thillat leh sathaute chu a hun kângtum ta’n; zia chu mipi zosia’n a mu un a kiko ua, a mai ua leisi’n, a khupbok khep khup ziang tau hi.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 17:7

Chuleh, Jesu a hung ah, amau a hun khoi ah, tho unla, lau kiu in, a tia.