MATTHAI 17:4 - PATHIAN LEKHABU THIANGTHO (BSI)

⁴ Peter chun Jesu kiang in, Lalpa, eihaw â dingin zia tak ah um hi a nuam hi, lem la sak leh zia tak ah hin bawk pathum sa’ng ka tin, nang â dingin pakhat, Mosi â dingin pakhat, Elijah â dingin pakhat, a tia.

MATTHAI 17:4 Referans Kwoze

LUKA 9:33

Ama a nutsia guat phat un, Peter chun Jesu kiang in, “Hotupa, zia tak ah um hi ei uh â dingin a nuam hi; bawk pathum khaw ing ka tiu in, nang â dingin pakhat, Mosi â dingin pakhat, chuleh, Elijah â dingin pakhat,” a tia. Bang gen a hile a kihe puai.

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

ISAI 33:17

La mit in lengpa mêlphatna mu’n la tin, gam lian tak kithung chu mu’n lau.

SAM 16:11

Nang in hinna lampi lei kawk mu hi. La umna phot ah kipakna bukim a um ngal ah; la changlam khut in kumtuang kipakna a um hi.

SAM 4:6

“Thilpha bang jat a hem mu thei tave leu hin aw! Aw Lalpa, la mêl vâk in ei hun salvâk ta’n,” ti tampi a um ui.

THUPUAN 21:23

Khawpi salvâk ding ah chun nisa a ngâi pua’n, thapi le a ngai puai; Pathian lopina chun a salvâk ah, Belamno chu a vâk uh ahi tai.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.

PHILIPPI 1:23

Pawt daw ah Khrista kiang ah um chu a phat zawk ma ma ziakin, a kâl lak ah lungthim laklaw tak in ka um ahi.

ZEKARIAH 9:17

Ama â dingin bang gual ah pha leh kilawm a hita maijen diam! Bu leh bâlte chun tangvalte a chok hal in, uain thakte chun nungakte a chok hal hi.

MATTHAI 17:3

Thakhat in Mosi leh Elijah a hung kilâk un, ama tawh a kiho tau a.

JOHAN 7:2

Zia hun ah chun Judate Biakbûk Kût chu a nai ta’n.