MATTHAI 16:1 - PATHIAN LEKHABU THIANGTHO (BSI)

¹ Pharisaite leh Sadukaite a hung un, Jesu ze-etna’n van ah kipat tepte’na hun etsak dingin a don un.

MATTHAI 16:1 Referans Kwoze

LUKA 11:16

Ziaphatchun, midang lawi khat chun, ama patepna’n van ah kipat thilmak a hung phût un.

NASEPTE 4:1

Peter leh Johan in mite kiang ah thu a gen lai ua chun, thiampute, tempul hotute leh Sadukaite chu a kiang un a hung un.

MATTHAI 16:6

Jesu’n a kiang un, Pharisaite leh Sadukaite thawi lak in kivêng un, a tia.

1 KORINTH 1:22

Judate’n tepte’na a phût un, Grikte’n pilna a hawl ui.

JOHAN 8:6

Zia chu ama a mat theina ding ua, ze-etna a hung dot uh ahi’n. Jesu chu a khûn ah, a khutzung in leitual a zik a.

NASEPTE 5:17

Ziaphatchun, thiampu lianpen leh a umpite chu (ziate chu, Sadukai pawlte a hiu) a hung kipan tau ah, itsikna dim in,

LUKA 20:27

Ziazaw chun Sadukai, thawkitna a um puai tite lak ah mi khenkhat a kiang in a hung un:

LUKA 20:23

Himaleh, ama chun a dawhau chu a he,

LUKA 10:25

Zia lai tak ah chun, danthiam mi pakhat a hung dingdok a, ama patepna dingin, “Hotupa, kumtuang hinna ka neitheina dingin bang ka bawl diam?” ti’n a hun dong a.

MARKA 12:18

Ziazaw chun, thawkitna a um puai tite Sadukai haw lak ah khen khat a hung un, zia gual hin a hung dong tau a:

MARKA 12:15

Pia ding ka hiu em, pelo ding?” a hung tiu a. Himaleh, ama chun a dawhau a la hia, a kiang un, “Bangatia ei ze-et la hiu em? Dangka thik denarii khat ei hun etsak tiam un,” a tia.

MARKA 10:2

Pharisaite khenkhat a kiang in a hung un, ama ze-etna’n, “Pawsal in a ji a nol a thiang diam?” ti’n a hung dong ua.

MATTHAI 27:62

A jing ah chun, zia chu Kisaklawk ni zaw ahi’n, thiampu lalte leh Pharisaite chu Pilat kiang in a hung khawm un,

MATTHAI 23:2

Lekhazikte leh Pharisaite chu Mosi chutpha’n a kichu sek ui;

MATTHAI 22:23

Zia ni ma ma chun, Sadukaite thawkitna a um puai tite chu a hung un, zia thu hi a hung dong tau a.

MATTHAI 22:18

Himaleh, Jesu’n a lungthim gitlo ziau chu a la he, a kiang ua chun, “Nanghaw mi phalêmte haw, bangatia ei ze-et la hiu em?

MATTHAI 22:15

Pharisaite a chiau ah, ama chu a thugenna kipat mattheina ding ngaitua in a kiho ua.

MATTHAI 19:3

Pharisaite lak ah mi khenkhat a hung ua, ama ze-etna’n, Bang ziak pen in min a ji a nol uh thiang em? a hung tiu a.

MATTHAI 15:1

Jerusalem ah kipat in Pharisaite leh lekhazikte chu Jesu kiang in a hung un;

MATTHAI 12:14

Ziazaw chun, Pharisaite a pawt ua, ama a tha theina ding uh ngaitua in a kiho-khawm tau a.

MATTHAI 9:11

Pharisaite’n zia chu a mu phât un, a nungzuite kiang in, “Bangatia, la hotupau in se’dawlte leh migilote tawh ankuang ûm khawm ziang a hiu em?” ti’n a dong ua.

MATTHAI 5:20

Ka hil la hiu, Pharisaite leh Lekhazikte felna hi la khûp lo ua leh, van-gam chu lut lo hial ding la hiu.

THUPILTE 26:5

Mingol chu a ngol dan gual tak in dawnhu in, achutiloleh, mi khatto ka hitam kiti kha’n a.