MATTHAI 13:57 - PATHIAN LEKHABU THIANGTHO (BSI)

⁵⁷ tichun, a chung ah a lung himaw tau a; himaleh, Jesu’n a kiang un, Jawlnei chu ama gam leh a In lam ti bep lo ah chun chawihoi lo in a um ngai puau hi, a tia.

MATTHAI 13:57 Referans Kwoze

JOHAN 4:44

Jesu ngei in, “Jawlnei chu ama umna gam ah chawihoi in a um ngai puai,” a tia.

MATTHAI 11:6

Kuale keima chung ah ginlelna neilo chu a vangphai, ti’n hil un,” a tia.

LUKA 4:24

Titakzet in ka hil la hiu, Jawlnei chu ama umna khua leh gam sung in a lop ngai sek puau hi.

JOHAN 6:61

Zia thu chun a nungzuite a phun ui ti Jesu’n a het phat in, a kiang un, “Zia thu hin a hun subuai ahi maw?

ISAI 53:3

Mite musit leh pâmpai in a la um ta’n; mi lungngai leh natna dim ahi. Kuama’n a mitlêm ua le, a mu tâk lo leh a musit uh ahi; tichun, ei hawn le bangma I la ngai puau hi.

JOHAN 6:42

“Ama hi Joseph chapa, Jesu kiti kha hilo a hem, a nu leh pale I hiau hilo a hem? Bangatileh, ‘Van ah kipat hung suk ka hi,’ ti thei a hem?” a tiu a.

LUKA 7:23

Chuleh, keima ah lung hilona neilote chu mi hampha a hiu!” a tia.

ISAI 49:7

Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

ISAI 8:14

Ama chu mun thiangtho leh mite kisuina suang hung hi’n a; Israel Inkuante â ding ah kipal pûkna suangpi hi’ntin, Jerusalem ah chêngte â ding ah chun thâng leh pial hung hi’n a.

MARKA 6:14

Jesu min chu gam tin ah a kithan tâk ziakin, a chanchin Lengpa Herod in a la he ta’n; mi khenkhat in, “Baptispa Johan kha hung tho dawk kit ah, thil lopi tak tak hun bawl ahi,” a tiu a.

MARKA 6:3

Thingbawl thiampa leh Mari chapa Jakob, Josia, Juda leh Simon suapipa kha hilo a hem? A suapinute le zia hi um hilo a hiu em?” a tiu a, a lung uh a dam ta puai.

MATTHAI 13:58

A ginlo ziak un zia tak ah chun thil thupi dang bangma a bawl ta puai.

MARKA 6:1

Zia kipat chun a pawtdok ah, ama khua Nazareth lam in a chia ah; a nungzuite chun a zui pek un.

MARKA 6:4

Himaleh, Jesu’n a kiang un, “Jawlnei chu ama khua lam ah, ama chanaute lak leh, ama Inkuante lak ah tilo ngal chu chawihoi lo in a um ngai puai,” a tia.