MATTHAI 13:3 - PATHIAN LEKHABU THIANGTHO (BSI)

³ Tekhinthu’n thu tam tak a kiang un a gen a, “Ngai tiam un, buchithe’pa buchi the’ dingin a chia in.

MATTHAI 13:3 Referans Kwoze

MARKA 4:13

Chun, a kiang un, “Nang unle zia tekhinthu kha hechian theilo la hiu em? Zia kha la het lo ua leh bangti’n tekhinthu dang zosia he thei ding la hiu em?

MARKA 4:33

Zia gual tekhinthu tam tak chu mang in, a hetthei ding lam lam un a kiang un a gen sek a.

MATTHAI 13:53

Jesu’n, zia tekhinthute chu a gen zaw phatin, zia mun chu a nusia tai.

SAM 78:2

Tekhinthu’n ka kam kâ’ng ka tin, masanglai thu ki-îmte kha gen ing ka tin;

MARKA 12:12

Zia thu chu amau demna a gen ahi ti a het phat un, ama chu mat a nuam tau a; himaleh, mipite chu a lau tau a; tichun, ama chu nusia in a chia mang tau hi.

SAM 49:4

Thupil lam in ka bildaw ing ka tin; ka thugil gen chu tingtang in hilchiansak ing ka.

JOHAN 16:25

Zia thute hi la kiang un thupil in ka hun hil hi. A hun hung tung ding ahi tai, ziaphat chuleh thupil ah gen talo in, Pa kiang ah kipat ka thupuak chu kichian tak in hun hiatsak ta’ng ka.

LUKA 12:41

Peter in, “Lalpa, zia tekhinthute hi keimau haw bep a hem lei hil, mi dang zosia le?” a tia.

LUKA 8:10

Ama chun, nanghaw â ding ah Pathian gam thugûk chu het ding phal ahi’n; midangte â dingin vang tekhinthu ah gen ahi: Mu zing ngal ah, a mulo ua, hezing ngal ah, a hiatthiam lona ding un, ti in.

MARKA 12:1

Ziaphatchun, a kiang un tekhinthu mang in thu a gen pan a: Mi pakhat in grep huan a bawl a; dâi pha tak in a bawl ah, a sûkna khûk dingle pha tak in a siam ah, a vênna ding Insâng le a sa’n; tichun, lou bawlte kiang in a sân in a pedok a, gam gamla takin a zin mang tai.

MARKA 3:23

Amau chu ko khawm in a kiang un, tekhinthu’n a gen a: “Setan in Setan ma bangti’n nawdok thei ding a hem?

MATTHAI 24:32

Tichun, theichang kung ah kipat hin thil umdan zil un: A bâk a hung sel ah, a duate a hung no tak leh, nipi a nai tai, ti la he sek ui.

HABAKKUK 2:6

Zia gual mite chu mitin in a demna ding un, engho’na thuchingchom phuak intiu in, “Ama â hilo ah kisupung ah, kimisak chu a chung a gik na e! Mite kitiamna thil bang chan lakhawm nalai ding la hem?” a tiu a.

MIKAH 2:4

Zia ni chuleh, elho’na La hun sak khum ta’n tiu in; lusûnna La thasiat um tak hun sak khum ta’n au: “Suksiat dim dem ka hi tai; Lalpaka mite gochan ei lak piak in, bang gual ah ei lâk mang piak ahi tam le! Sal ah ei mante lak in ka lou uh a kihopsak tau,” ti in.

EZEKIEL 20:49

Ziaphatchun, “Katei Lalpa Pathian! Mi zosia’n kei hi, ‘Hetmaw thu phuakpa hilo a hem,’ ei ti kha’n au,” ti’n ka dawnhu tai.

EZEKIEL 17:2

Aw mihing, hetmaw ding phuak inla, Israelte kiang in tekhinthu’n gen in.

MATTHAI 22:1

Jesu’n mipite kiang in tekhinthu mang in thu a gen kit a:

MATTHAI 13:4

A the’ lai in khenkhat chu lampi pâm in a kia’, vachate a hung ua, a hung luak zo tau hi.