MATTHAI 13:11 - PATHIAN LEKHABU THIANGTHO (BSI)

¹¹ Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

MATTHAI 13:11 Referans Kwoze

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

MATTHAI 19:11

Himaleh, ama chun, zia thu chu mi zosia’n zui thei pua’n au, piak chuam ah umte â ding bep ahi.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

1 JOHAN 2:27

Nang uh vang, a sathau nu’na la chan uh chu nangmau ah a um zing ah, kuama zilsak la ngai ta puau hi. Ama sathau nu’na chun bangkim a hun hil ah, dik tak leh juau a hilo ziakin, zia chun a hun hil gual in ama ah um zing un.

1 JOHAN 2:20

Himaleh, nang uh vang, Mithiangtho chun sathau a nu’ la hitau a, hetna la nei chiat tau hi.

MATTHAI 16:17

Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.

EPHESA 1:9

Khrista ah a thiltup, a doilam dungzui ah a lunggil thugûk chu ei hiatsak ta ahi.

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

EPHESA 5:32

Zia hi thugûk lopi tak chu ahi; ahi’n, Khrista leh kochuam a kikâl te’khinna ka mat ahi.

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

LUKA 8:10

Ama chun, nanghaw â ding ah Pathian gam thugûk chu het ding phal ahi’n; midangte â dingin vang tekhinthu ah gen ahi: Mu zing ngal ah, a mulo ua, hezing ngal ah, a hiatthiam lona ding un, ti in.

1 KORINTH 15:51

Ngai un, thugûk hun hil ding ka hi! I leng un thi khel puai tiu;

1 KORINTH 2:7

Himaleh, Pathian pilna chu thugûk, pilna kisêlgu gual in ka gen un, zia chu Pathian in khawvel um ma ah I lopina ding ua a la namdet tâk chu ahi.

JOHAN 6:65

Chun, ama’n, “Ziaziakchun ahi la kiang ua, ‘Pa’n a panpi lo chun kuama ka kiang ah hung thei pua’n a,’ ka ti kha,” a tia.

1 TIMOTHI 3:9

Sia leh pha hetna thiang tak ah ginna thugûk vopdet mi ahi diu ahi.

1 KORINTH 13:2

Chuleh, thugen theina nei in, thugûk zosia hethei in, tâng chawntheina khop ginna kim nei maleng, hepina ka neilo chun, bangma ka hi puai.

MARKA 4:11

Ama’n a kiang un, “Pathian gam thugûk chu nang uh het ding ah phal a hi; pawlam ah umte â ding chun vang tekhinthu bep ah kigen ahi;

KOLOSSA 2:2

Pathian thugûk, Khrista ngei hi hetna a hun nei ua, hetchianna lam ah hausa tak ah a hung umtheina ding un, a lungthim uh tîlkho a hiu ah; hepina a kipumkhat theina ding uh chu ka doilam tak ahi ngal a.

EPHESA 6:19

Chanchinpha thugûk chu hangsan tak ah gen ding ah ka kam ka kât ah, thu ka gen theina dingin ei pauchap piak un,

1 KORINTH 4:7

Nang kua’n a hun chuam bawl diak ah a hem? La chan ahi ngal leh, bangatia la chan lo gual ah la kisak theipi a hem?

1 KORINTH 4:1

Keimau hi Khrista nasem leh Pathian thugûk enkolte gual in ei ngai un.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

ISAI 29:10

Lalpa‘n i-mut thûtna thagau la chung un, a hun buntha ta’n, nang uh jawlneite, la mit uh a hun tuam piak tai; nang uh mulawk theite, la luchang uh a tuam piak tai.

NASEPTE 16:14

Zia tak ah chun numei pakhat, Thuatira khawpi puan sandup zuak sek, a min Ludia kiti chu a um a; ama chu Pathian ho sek mi ahiziak in, ka thugen uh chu pha tak in a ngai a. A lungthim chu Lalpa‘n a hong ah, Paul thugen ah chun a hung lunglut ma ma tai.

ISAI 29:11

Nang uh â dingin zia thil hung tung ding kilâkna zosia hi, lekhabu kichâlmat sung ah thu kijik gual bep ahi ngal a. Mi khat in zia lekhabu chu a sim thei khat kiang ah pia’n, “Hun sim tiam in,” ti leh, ama chun, “Ka sim thei puai, a kichâlmat ahi hilam,” ti ding ahi.

MATTHAI 13:10

A nungzuite chu a kiang in a hung ua, Bangatia, ziate kiang ah hin tekhinthu ah la gen a hem? a hung tiu a.

MATTHAI 20:23

Ama chun a kiang un, ka no dawn ding chu dawn in lau; himaleh, ka changlam leh ka veilam ah kichu ding chu keima piak ding a hipua’n, ka Pa’n a guatte kiang ah chun a piak ding a hizawi, a tia.

MARKA 10:40

himaleh, ka changlam leh ka veilam ah chut ding thu chu, keima thu ah ka piak ding ahi puai; guat piak ah umte bep kiang ah piak hiding a hi,” a tia.

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.