MATTHAI 10:2 - PATHIAN LEKHABU THIANGTHO (BSI)

² Zia sawlchâk sawm leh nite chu: Simon, Peter kiti leh a suapi Andria tawh, Zebedai chapa Jakob leh a suapi Johan tawh;

MATTHAI 10:2 Referans Kwoze

NASEPTE 1:13

Khawpi sung a tun phat un, pindan chungnung ah a umna mun ua chun a lut un, Peter, Johan, Jakob, Andria, Philip, Thoma, Bartholomai, Matthai, Alphâi Chapa Jakob, Zelot pawl ah mi Simon, Jakob suapi Juda tawh a hiu a.

MATTHAI 4:21

Zia kipat chun a chia pek ah, unau dang pani, Zebedai chapa Jakob leh a unau Johan, a pau Zebedai kiang ah kuang sung ah a lênsiateu siampha lai tak chu a mu’n, a ko ngal a.

JOHAN 12:22

Philip chu a hung ah, Andria kiang in a gensawn a; chuleh, Andria leh Philip chun Jesu a vahil tau hi.

JOHAN 6:8

A nungzuite lak ah pakhat, Simon Peter suapipa Andria khan,

LUKA 5:10

Simon lawite ma, Zebedai chate Jakob leh Johan inle mak a sa ma mau a. Jesu’n Simon kiang in, “Lau kin, tu’khêl chu mihing man ta ding la hi,” a tia.

MATTHAI 4:18

Galili Dil gei ah Jesu a vâkvêl lai in, unau pani, Simon, Peter a tiu chu a suapi Andria tawh Dil ah lênsep lai a mu’n, sanga man mi a hiu a.

LUKA 11:49

Ziaziak hin, Pathian pilna chun zia gual hin a la gen hi: ‘Jawlneite leh nungzuite hun sawl ing ka tin, a lak ua khenkhat chu that intiu in, khen khat chu genthei tak in bawl in au, a ti kha.

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

2 JOHAN 1:1

Upa chun, têlchuam ah um Numei leh a chate, thutak jal ah ka ngainat, keima bep hilo ah, thutak he zosiate’n a ngainat uh kiang ah chun:

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

1 PETER 1:1

Jesu Khrista nungzui Peter in, Pontas, Galatia, Kappadokia, Asia leh Bithunia gam ah kithejakte,

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

1 KORINTH 15:7

Zia nung ah chun Jakob kiang in a kilâk a, zia nung ah chun apostolte kiang in.

NASEPTE 12:2

Johan suapi Jakob kha le chemjam in a that ta’n.

NASEPTE 3:1

Ni khat Peter leh Johan chu pauchap hun; zia chu nitâk lam dak thum ahi’n, tempul ah a chia to un.

NASEPTE 1:26

Chun, amau â dingin âi a hun sân ua; a âisân uh chu Matthia chung in a chu ta’n: tichun, ama chu sawlchâk sawm leh khatte lak ah simkhawm ahi tai.

JOHAN 21:24

Zia lekha hun zik ah, zia thil umdante genpa hi, zia nungzuipa chu ahi; a thu hiatsak le a dik hi ti I hiau hi.

JOHAN 21:20

Peter chu a hung kihei leh Jesu’n a hepi nungzuipa kha a hun zui in a mu’n; ama chu a jan an nêk lai ua a kiang ah kinêlcha, “Lalpa, kua a hem a hun matsak ding pen chu?” tia vak dongpa kha ahi.

JOHAN 21:2

Simon Peter, Thoma (Diduma) piangkop kiti kha, Galili gam Kana khua um Nathanael kha tawh, Zebedai chate pani tawh mun khat in a um khawm un.

JOHAN 20:2

A hung tai ah, Simon Peter leh Jesu’n a hepi nungzui kiang in a hung a, “Lalpa kha thân ah kipat in a la kila mang tai, khoi ah a koi uh a hem ka he ta puai,” a hung ti’n.

JOHAN 13:23

zia lai tak ah chun nungzuite lak ah pakhat, Jesu’n a hepi chu a âng in a kinêl a;

LUKA 22:14

A hun a hung hi’phat in, a hung kichu, a nungzui sawm leh nite chu a kiang in a kichuu a.

LUKA 22:8

Peter leh Johan chu a sawl ah, “Vachiau inla, Chiakân Kût an I nêkna ding uh a la guanggal masau in,” a tia.

LUKA 9:10

Sawlchâkte kha a hung tun kit phat un, a thilbawl zosiau chu a kiang in a gen tau a. Ziaphatchun a mau chu, Bethsaida khua lam in a pui tai.

MARKA 13:3

Chun, Oliv tâng ah tempul lam nga a kichut lai un, Peter, Jakob, Johan tawh Andria chun a kiang in:

MARKA 1:29

Sunagog ah kipat a hung pawt phatin, Simon leh Andria te In ah chun Jakob leh Johan tawh a lut un.

MATTHAI 26:37

Ahi’n, Peter leh Zebedai chapa panite chu a pui ah, hung lungngai in a lunggim ma ma a.

MATTHAI 20:20

Ziazaw chun Zebedai chate nu chu a chapate tawh a hung un, a ma’ hung bokkhup in, chanpha pakhat a hung don tau a.

MATTHAI 17:1

Ni guk zaw in, Peter, Jakob leh a suapi Johan chu, Jesu’n a chuam in tângsâng tak khat in a pui to a.

THUPUAN 22:8

Zia thilte hi keima Johan ngei in ka mu leh ka hiatte chu ahi. Ziate hi ka mu leh ka het phat in, ei etsakpa vansawlchâk kengbul ah chun ama biak ding gua’n ka bokkhup a.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

3 JOHAN 1:1

Upa chun, doitak Gaias, thutak ah ka hepi kiang ah chun:

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

MARKA 6:30

A nungzuite chu Jesu kiang in a hung tung khawm kit tau a, thil a vahi danteu leh thu a vagen danteu haw a gen tau a.

JOHAN 6:67

Chutichun, Jesu’n sawm leh nite kiang ah chun, “Nang hawle chia mang la nuam awm?” a tia.

JOHAN 6:70

Jesu’n a dawnhu, “Nanghaw sawm leh nite hi keima hun têl hilo la hiu em? Ahi’n, la lak ua pakhat Diabol la hi zing ui,” a tia.

JOHAN 6:71

Simon chapa Juda Iskariot chung thu kha a genna ahi’n; ama chu sawm leh nite lak ah pang hinapi’n, a mat gua pang ahi ngal a.