MATTHAI 10:10 - PATHIAN LEKHABU THIANGTHO (BSI)

¹⁰ khual zinna dingin sakhau a hem le keng kiu inla, puanâk thua leh kengtawdap leh tiangkhut le keng diak kiu in. Nasemte chu nêk kimu tâk him ahi ngal un.

MATTHAI 10:10 Referans Kwoze

LUKA 3:11

Ama chun a kiang un, “Kuale puanâk pani nei chun a neilote hawm unla, nêk ding nei chunle zia gual ma chun hiu in,” a tia.

1 SAMUEL 9:7

Ziaphatchun, Saul in tangval kiang ah chun, “A kiang in chia ta lehin, zia pa chu bang I puak piak diam? I dip ah vaithum a um ta pua’n, Pathian mi kiang ah piak ding bangma I nei ta pua’n. Aleh I nei bang a um him him em?” ti’n a dong a.

2 TIMOTHI 4:13

La hung phat leh Troas khua, Karpas kiang ah puanâk chual ka nutsia kha ei hun puak piak in; chuleh, lekhabute kha tawh, a diak in savun lekha kha tawh.

1 SAMUEL 17:40

Ziaphatchun, a tiangkhut kichawi in, luidung ah suangchang panga a luak malam ah, a belamchinna sakhau ah khum in, vaisuangse chawi in Philistin mipa chu a zuan tai.

MATTHAI 10:11

Khawlian hileh khawneu hilehle, la lutna taphot ua chun a la zintun thei ding mi hawl unla, zia tak chun la kipat daw kit masiau tung zing un.

MARKA 6:8

A khualzinna ding ua chun, tiangkhut longal bangma dang, dip le, vaithum le, sakhau ah dangka le keng lo dingin thu a pia;

LUKA 9:3

a kiang un, “La khualzinnau ah hin tiangkhut, sakhau, vaithum leh dangka bangma keng kiu inla, puanâk chung thua le keng diak kiu in;

KISIMNA LEKHABU 18:31

Ziate chu nang tawh la In sung mite’n khoi tak mun inle nethei ta’n lau; zia chu kikhopna biakbûk ah la nasep man ding ua hun kipia ahi ta’ngâl a.