MATTHAI 1:22 - PATHIAN LEKHABU THIANGTHO (BSI)

²² Zia hi Lalpa‘n a jawlneite mang ah a thugente kha a guitunna ding ahi:

MATTHAI 1:22 Referans Kwoze

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

MATTHAI 2:23

Chun, khua pakhat Nazareth a tiu ah chun a chêng tai: “Ama chu Nazareth mi ti’n au,” ti ah jawlneite kam ah kigen kha a guitunna dingin.

1 LENGTE 8:15

Zia gual hin a gen a: “Ka pa David kiang ah a kam ngei ah a la thutep zosia a khut ngei ah suguitungpa, Lalpa, Israelte Pathian chu maljawl in um ta hen!

NASEPTE 3:18

Himaleh, Khrista chun zia thilte chu thuak ngei ding ahi, ti Pathian chun a jawlneite zosia mang in a la hillawk ah, zia gual tak ah chun a guitung ta ahi.

1 LENGTE 8:24

la suak, ka pa David kiang ah la gen gual ngei ah la vop thuthung chu; la kam ah la tep chu tu’ni’n la khut in la supiting tai.

JOHAN 18:9

“Nang in lei piakte lak ah pakhat chale ka mansua puai,” tia a gen kha a guitunna ding in.

MATTHAI 13:35

Jawlnei in zia thu a la gen hi a guitunna ahi: Tekhinthu gen na’n ka kam ka’ng ka tin, khawvel kisiam lim ah kipat, thil a la kisêlgute chu gendok ing ka, a ti kha.

EZRA 1:1

Persia gam ah Lengpa Kuras lal kum khatna’n, Jeremiah kiang ah Lalpa thugen a guitun theina dingin, Lalpa chun Persia Lengpa Kuras in lekhazik ah gam sung pumpi’ tângsam ding sawl dingin a lungthim a hun choktho ah, zia gual hin tâng a sapsak a.

JOHAN 17:12

A kiang ua ka um sung khan, nang in kei lei piakte haw hi la min in ka vop pha tai. Amau haw hi ka vêng in, Pathian Lekha thu guitunna dingin mangthai chapa bep longal pakhat chale a mangthai puau hi.

JOHAN 15:25

A ziak umlo in ei huau hi, ti ah Dan Lekhabu a la kizik kha a guitunna dingin zia thilte hi tung ahi.

JOHAN 10:35

Pathian thu hung tunnate bep bawn, ‘pathiante’ a ti leh, zia Pathian Lekha thu chu sukkek thei a hipua’n,

MATTHAI 13:21

himaleh, a lunggil tak ah zung thâksak lo ah, sawt umsak zolote, thu ziak ah sukgentheina bang, haksatna bang a hung um tak leh pûk ziang sekte hi a hiu.

MATTHAI 12:17

Jawlnei Isai kiang ah kigen kha a guitun theina dingin zia hi a gen a:

MATTHAI 2:15

Herod thi masangsia zia tak ah chun a um zing tau hi. Zia chu Lalpa‘n jawlnei kam ah, “Ka chapa chu Aigupta gam ah kipat ka kodok a,” a ti kha a guitunna dingin.

MATTHAI 8:17

“Ama ngei in I hatlonateu ei lakmang piak in, I natnateu a paw tai,” ti ah jawlnei Isai in a gen kha a guitunna ahi.

MATTHAI 5:17

Dan thu a hem, jawlneite thuhil a hem subei ding ah hung hi dingin ei ngaitua kiu in, a subei ding ah hung ka hipua’n, a subuting ding ah hung ka hizawi.

LUKA 21:22

Zia ni chu phuba lak ni, thil zosia guitunna ding ah a la kizikte guitun ni hung hita’n a.

THUPUAN 17:17

Pathian thute sukbukim ahi masang, ama doilam a bawl ua, lungthim khat a nei ua, a lenggam uh sahâng kiang ah a piakna ding un, Pathian in amau ah chun ngaituana a koi tangal a.

ROMTE 1:2

zia chu Pathian Lekha thiangtho ah a jawlneite mang ah a la tiam lawk chu;