MATTHAI 1:1 - PATHIAN LEKHABU THIANGTHO (BSI)

¹ Abraham suan, David suan ah Messiah kiti, Jesu hung pian dan chu zia gual hi ahi:

MATTHAI 1:1 Referans Kwoze

THILSIAM THU 22:18

Ka thu la zop ziak ah hin la suante ah kipat in khawvel chitin maljawlna piak hi’n au,” a ti’n.

GALATIA 3:16

Abraham kiang in thutep piak in a la um ah; a suante kiang inle, mi tam tak chung thu gen gual ah, “Chisuante kiang in,” a tipua’n, mi pakhat chung thu gen gual in, “Nangma chisuante kiang in,” a ti zawi; zia chu Khrista chu ahi.

ROMTE 1:3

zia a Chapa Jesu Khrista I Lalpau, taksa lam thu ah David suan ah siam a hung um chu;

THUPUAN 22:16

Kei Jesu hin, zia thute hi kochuamte hiatsak ding ah ka vansawlchâk chu ka sawl ahi. Keima David suan leh a phung bulpi Jingsol aksi vâk chu ka hi, a tia.

SAM 132:11

A kihei mangsan lo dingin, Lalpa‘n David kiang in tung tei ding in, sia a la sam ta’n: “La chate lak ah mi khat, la lalchutpha’ chutsak ing ka.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

ISAI 11:1

Jesse bulsum hung sel intin, a zung ah kipat in bâk khat hung khangdok in a.

JOHAN 7:42

Pathian Lekha thu chun, ‘Messiah chu David suan ah kipat hung piang intin, David chênna khawpi Beth-lehem ah hung piang ding ahi,’ ti hilo a hem?” a tiu a.

THILSIAM THU 12:3

kuale nang hun maljawl tapo chu maljawl ing ka tin; hânsia hun law tapo chu hânsia law ing ka: nangma ah namtin maljawl in hung um in au,” a tia.

NASEPTE 2:30

Ama kha jawlnei a la hiziak in, Pathian in a kiang ah a gen chu a hia’n, ama khalbe piang ngei chu a lalchutpha chutsak dingin a kihaksial a.

MATTHAI 1:18

Messiah Jesu hung pian dan chu zia gual hi ahi. A nu Mari chu Joseph tawh kicheng ding ah kikhâm lai; a um khawm mau in, Thagau Thiangtho in nau a vopsak hi ti a hung he tau a;

ISAI 53:8

Thudik ah vaihawm lona ziakin, pâmpai in a la um tai. A tu’nung thu ding kua’n a gêl sâm awm? Mihingte gam ah kipat sukmanthai in a um ta’n, ka mipite bawlkhialna ziakin, ama chu khet liam ah um ahi.

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

ROMTE 4:13

Abraham leh a suante kiang ah, khawvel golua’na ding thutiam kha dan ziak a hipua’n, ginna ah dikna ziakin ahi zawi.

MATTHAI 15:22

Zia gam ah kipat chun Kanaan numei pakhat a hung a, Lalpa, David Chapa, ei lungsiat in; ka chanu thitha’n a man hen, a thuak gim ma ma hi, ti’n a hung kiko a.

MATTHAI 9:27

Zia mun ah kipat chun Jesu a pawtdok ah, a chia lai ah chun mitthûm pani’n a hun zui un, “David Chapa, ei lungsiat in,” ti’n a kiko pek tau a.

JEREMIAH 33:26

Jakob leh ka suak David suan leh pâkte chu pâmpai in, a lak ua khat chale Abraham, Isak leh Jakob suante chung ah vaihawm ding in a la koi lo ma ding hivêng aw. Ahi’n la, amau vangphatna pia tungding kit in, lainat ding ka hi’ngâl a, ti in.

THILSIAM THU 2:4

Lei leh van a siam dan kha zia gual hi ahi: Lalpa Pathian in lei leh van a siam lai ah khan,

MATTHAI 3:16

Jesu baptisma a chan zaw ah tui lak ah kipat a hung pawt phatin, van a hung kihong a, Pathian Thagau chu vakhu gual in a hung suk ah, a chung ah hung chû a mu tai.

ZEKARIAH 12:8

Ziaphat chuleh, Lalpa chun Jerusalem ah chêngte chu hûm intin, a lak ua a zawngkhâl pente chule David gual hi’n tiu in; chuleh, David Inkuante chu Pathian gual hi’n tiu in; a ma-âng ua Lalpa vansawlchâk um gual chu hi’n au.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

THILSIAM THU 5:1

Zia hi Adam suante khangthu chuanna lekhabu chu ahi: Pathian in mihing a siam ni khan Pathian tawh kipua in a la siam ah.

SAM 89:36

A chisuante chu kumkhua’n um zing intiu in, a lalchutpha ka ma-âng ah, nisa gual in um zing ding ahi.

SAM 89:3

Nang in, “Ka têlchuam kiang ah, thuthung ka siam ta’n, ka suak David kiang in sia ka sam tai;

MATTHAI 1:2

Abraham chu Isak pa ahi’n; Isak chu Jakob pa ahi’n; Jakob in Judah leh a suapite a hing a;

LUKA 1:33

Jakob suante chung ah kumtuang in vaihawm intin, a gam in tawp ni nei ta pua’n a,” a tia.

1 TIMOTHI 2:5

A ziak chu, Pathian pakhat bep a um ah, Pathian leh mihing kikâl inle Palai pakhat bep a um hi, ama Khrista Jesu, Mihing ngei chu,

2 TIMOTHI 2:8

Mithi lak ah kipat thokit, David suan ah mi, Jesu Khrista chu hezing in, ama chu ka chanchinpha chu ahi.