MARKA 9:47 - PATHIAN LEKHABU THIANGTHO (BSI)

⁴⁷ Chuleh, la mit in a hun hi’puk leh kheldok mai in; mit pani nei ah gawtmun mei mit theilo ah la chia sâng in, mit langkhat bei ah Pathian gam ah lut chu nang â dingin a phazawi.

MARKA 9:47 Referans Kwoze

MATTHAI 18:9

Chuleh, la mit in a pûksak chun kheldok inla, paimang ziang in; mit pani nei a gawtmun meidil ah la um sâng in, mit langkhat bei ah hinna la lut chu a pha zawi.

MARKA 9:43

La khut in a hun sukpûk leh tan mai in; khut pani nei ah gawtmun mei mit theilo ah la chia sâng in, khut langkhat bei ah hinna lut chu nang â dingin phazaw’n a.

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

GALATIA 4:15

Hampha la kisaknau kha khoi ah um ahi tam? Hithei vang leh la mitteu kheldok in ei pia ta’n lau ti ka hia’i.

LUKA 14:26

Kuale, a pate, a nute, a jite, a chate, a suapite, a suapinute leh ama hinna natiangle haw diak lo chu ka nungzui hithei pua’n au.

SAM 119:37

Bangmalo mai mai en lo dingin ka mit kaihei inla, la lung lam in hinna ei pia’n.

JOB LEKHABU 31:1

Ka mitte tawh thuthung ka siam un; bangti’n em nungak ka et thei ding?

THILSIAM THU 3:6

Tichun, numei chun thingga chu a mu phât in nêk ding ah kilawm leh mit hîp ma ma ahi ti leh, mi hi’pil thei ding ah thingga etlâ um tak ahi ti a het in a ga chu a lo ah, a ne ta’n; a umpi a pawsal chule a pia’n, ama’nle a ne tai.

MARKA 9:46

A lung le thi ta pua’n tin, a mei le mit diak lo ding ahi ngal a.

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JOHAN 3:5

Jesu’n a dawnhu a, “Titakzet in ka hil la hi, mi kuale, tui leh Thagau ah a pianlo chun, Pathian gam lutthei pua’n a,