MARKA 9:29 - PATHIAN LEKHABU THIANGTHO (BSI)

²⁹ Ama chun, a kiang un, “Zia tawh bang hi pauchapna leh anngawlna longal in nawdaw thei ei puai,” a tia.

MARKA 9:29 Referans Kwoze

JAKOB 5:15

Ginna pauchapna chun damlo chu hukdam intin, Lalpa‘n amau chu kaitho in a; chun, gitlo a la bawl taphot le ngaidam piak hi’n au.

MATTHAI 17:20

Jesu’n a kiang un, La gin zaw lo ziak uh ahi; titakzet in ka hil la hiu, ginna ankam mu tia la nei ua leh, zia tâng kiang ah hinle, zia lam ah son kichawn mang in, tileuchin, kichawn mang mai ding a hi; bangma la hi’theilo uh umlo ding ahi.

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

2 KORINTH 12:8

Zia thu ah chun ei nutsia theina dingin, Lalpa kiang in thumvei hial ka don ta’n;

2 KORINTH 11:27

sepgimna leh thokgimna, i-mut lona ah tamvei, gilkial leh dangchâk ah umnate, an ngolna tamvei tak, dap thokna leh ngawnchang ah umna ah te leh,

LUKA 11:26

A vachia ah, thitha dang, ama sâng ah gilozaw pasagi a hun pui ah, a lut tau ah; zia tak ah chun a hung chêng tau hi. Ziaphatchun, zia pa hindan chu a masa sâng ah khan nasa tak in a hung sezaw tai, a tia.

1 KORINTH 9:27

himaleh, midangte kiang ah ka tângkopi nung ah paithâk ah ka um lona ding in, ka taksa hi sawizoi in ka thunun sek ahi.

NASEPTE 14:23

Kochuam tin ah a upa dingteu a guat zaw phat un, anngawl ah pauchap in, a gin uh Lalpa khut ah chun a kolsak malam pek tau a.

MATTHAI 12:45

Tichun, a vachia kit ah, ama sâng ah gilo zaw thitha dang sagi a hun pui a, zia tak chun lut in a chêng tau hi; zia mihing umdan nunung zaw chu a masa sâng in a hung sezaw tai. Zia gual ma chun, tu’lai khangthakte chung ah hinle tung ding ahi, a tia.

2 KORINTH 6:5

vokna, suangkultânna, buaina, sepgimna, i-mutlona leh anngawlna ah te;

MATTHAI 17:21

Banghilehle, zia tawhbang hichu, pauchapna leh anngawlna longal in pawtdok pua’n a, a tia.

MARKA 9:28

In sung a lut phatin, a nungzuite’n a chuam in a dong ua, “Bangatileh, kei un nawdok theilo ka hiu em?” a tiu a.

MARKA 9:30

Zia kipat chun a pawtdok un, Galili gam haw malam in, a chiana lam uh chu kuama het ding a nuam pua’n;