MARKA 9:25 - PATHIAN LEKHABU THIANGTHO (BSI)

²⁵ Jesu’n mipi hung taikhawmte chu a mu phât in, thitha buak chu a vau a, “Zia naupang hi bengngong leh pautheilo ah koipa, thu ka hun pia ahi: A sung ah kipat hin hung pawtdok inla, chuleh lut kit ta kin,” a tia.

MARKA 9:25 Referans Kwoze

NASEPTE 16:18

Zia gual chun ni tam tak ahi zing ta’n. Paul chun lungna tak in a kihei ah, zia thitha kiang ah chun, “Zia nu ah kipat chun hung pawtdok dingin Jesu Khrista min in thu ka pia la hi,” a hun tia. Zia hun ma ma ah chun a pawtdok tai.

LUKA 9:42

A hung lai un thitha buak chun, khawhelo khop in nasa tak in a hun soisa tai. Jesu’n thitha buak chu a hun vau ah, naupang chu a hi’dam ah, a pa kiang in a chiasak kit tai.

MARKA 9:15

mipi zosia chun ama chu a muu in lamdang a sau a, ama chibai bûk dingin a del tau a.

MATTHAI 17:18

Jesu’n thitha chu a vau a; tichun, a pawt dawsan ta’n, zia naupang chu zia hun ma ma chun a dam ngal tai.

JUDA 1:9

Himaleh, vansawlchâk chungnung pen Mikael in bawn, diabol tawh Mosi luang a kichu lai ua khan, a chung thu gen piak in ama chu a gensia ngam pua’n, “Lalpa‘n hun vau ta hen!” a ti zaw tai.

LUKA 11:14

Tichun, thitha buak vop pautheilo pakhat a nawdok piak a; thitha chu a pawt daw phatin, pautheilo chu a hung paudok ta’; mipite chun lamdang a sa ma mau a.

LUKA 8:29

Zia thitha buak chu zia pa ah kipat chu pawt ding ah thu a piak tâk ziak ahi’n. (Ama chu thitha buak chun a man sek ah, thikkhau in a hên sek un, chuleh, bulle a tuk sek ui; himaleh, a kolbute chu a bottan ah, gamthip ah thitha buak chun a pui mang sek a.)

LUKA 4:41

Thitha buakte hawle kiko kawm kawm in a pawt un, “Nang hi Pathian Chapa chu la hi” a tiu a. Ama chu Messiah ahi ti a het ziak un, pau lo dingin a vau tai.

LUKA 4:35

Himaleh, Jesu’n a vau ah, “Thip inla, a sung ah kipat in hung pawt in,” a tia. Tichun, thitha chun a ma-âng un a sep pai ah, suliam lo in a sung ah kipat in a hung pawt tai.

ZEKARIAH 3:2

Lalpa chun Setan kiang in, “Aw Setan, Lalpa chun nangma a hun vau hi! Jerusalem têlchuam ta Lalpa chun nangma a hun vau hi! Zia mi hi thukkhûk ah thingkhua kiladok gual chu hilo a hem?” a hun ti’n.

MATTHAI 12:22

Zialaitak ah chun, mi pakhat thitha mat mitthûm, pautheilo a hun pui un; ama chun a la hi’dam ziang ta’n; tichun, mitthûm, pautheilo chun a hun muthei ah, paule a pauthei ngal tai.

MARKA 9:24

Zia naupang pa chu a hung kikodok a, “Lalpa, ka ging hi, ka ginlâna ei panpi in,” a tia.

MARKA 9:26

Ziaphatchun, thitha chu a hung kiko ah, naupang chu nasa tak in a hun sawi ah, ama ah kipat chun a hung pawtdok tai; naupang chu a thi a bang ziang ah, mi khenkhat vang chun, “A thi hita’n a,” a tiu a.