MARKA 9:19 - PATHIAN LEKHABU THIANGTHO (BSI)

¹⁹ Ama chun a kiang un, “Aw khangthak ginna neilote haw! Bangchan hun umpi nalai ding ka hi em? Bang chan hun kithuapi nalai ding ka hem? Ama chu ka kiang in hun pui un,” a tia.

MARKA 9:19 Referans Kwoze

KISIMNA LEKHABU 14:11

Chun, Lalpa chun Mosi kiang in, “Zia mite hin ei musit tak ah bang chan um ding a hiu em? A lak ua teptênate bang jat ka bawl ah le ei taksang nai diak lo ding a hiu maw?

JOHAN 20:27

Thoma kiang ah chun, “La khut in hun bân inla, ka nâk ah thun in. La khutzung in hun khoi in, ka khutte hi en in. Taksanglo in um kin la, taksang in,” a tia.

MARKA 16:14

Chun, zia nung ah chun sawm leh khatte kiang ah a an nêk lai un a kilâk ah, a thawkit nung mute thu gen nasan le a taksan lo ziak un. A ginlânau leh lung tâkna ziak un a vau a.

KISIMNA LEKHABU 14:27

Zia tak ah migilo pungkhawmte hi ka chung ah bang chan phunchiak ding a hiu em? Israelte phunchiakna, ka chung ah a phunchiaknau ngei chu ka he ta ngâl a.

LUKA 24:25

Ziaphatchun, ama chun, “Aw mi ngolte haw, jawlneite thugen zosia taksanna lam ah ngongte haw!

LUKA 9:41

Ziaphatchun Jesu’n, “Aw ginna tawmte leh khangthak chavaite haw, la lak ua bang chan um nalai ding ka hia, ka hun khawngai nâk lai ding a hem? La chapa chu zia lam ah hin hun pui in,” a tia.

MATTHAI 17:17

Jesu’n, khangthak ginna neilo leh thukhelte haw, bangchan hun umpi nalai ding ka hem? Bangchan a hem ka hun daw zaw nâk lai ding? Ama chu ka kiang in hun pui un, a tia.

DAN LEKHABU 32:20

Hiti’n a gen ah: “Amau ah kipat in, ka maichang sêlgu’ng ka tin; bang gual in a hung tawp awm a la en ma ing ka; ginumna bei cha leh nau, mi chavaite ahi ngâl un.

KISIMNA LEKHABU 14:22

Aigupta gam tawh, zia gamthip ah ka lopina tawh ka tepte’na bawl zosia mu ta ngâl ah, sawmvei hial ei patep kit nalai ah, ka thu ngai diaklote zosia chu,

JOHAN 12:27

Tu’hin vang ka lung a gim hi. Aleh, bang ka gen ta diam? He Pa, zia dakkal ah kipat hin ei hukdok in; himaleh, ziaziak tak ah hi tu’hun ah um ka hingal a.

SAM 78:22

Pathian a ginchak lo ziak uh leh a hukdam theina a taksan lo ziak un.

MARKA 9:18

khoi mun hilehle a soisakna taphot ah chun, bawtel ding bawl in a bawl sek a; chilphuan a nawk ah, a ha a gawi ah, a gawng deu deu ziang hi; la nungzuite hi a nawdok ding ah ka dot leh la a hithei puau in,” a tia.

MARKA 9:20

Tichun, naupang chu Jesu kiang in a hun pui un; thitha chun ama chu a hun mu phât in, naupang chu nasa tak in a hun sawi ah, leitual in a pûk ah, chilphuan nawk in a kitel a.