MARKA 9:12 - PATHIAN LEKHABU THIANGTHO (BSI)

¹² Ama chun, “Elijah chu hung masa him intin; bangkim siamtup ding ahi. Aleh, bangtidan ah Mihing chapa chungchâng ah; thil tam tak thuak intin, mite musit in um ding ahi ti, a zik uh a hem?

MARKA 9:12 Referans Kwoze

ISAI 50:6

Ei vawte ma-âng in ka nungjang ka daw in, ka khamul ah ei mante kiang in, ka ngeibiang le ka daw hi; ei hosia leh a chil ei siatkhumte âng in, ka mai ka sêl puai.

ISAI 52:14

Mi tam tak in ama chu mak hun sa’n au; a mêl leh pâng hi’danglam ahi bêk ziakin, mihing mêlle pu ta pua’n tin,

LUKA 23:11

Herod chunle a gâl do pawl sepaite a tîl ah, tawtbawlna mang in, a nuisan tau a; chuleh, puan lopi tak a silsak a, Pilat kiang in a sawl kit tai.

ISAI 49:7

Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

LUKA 1:76

Ziaziakchun, nang nausen, Chungnung pen Jawlnei, ti hi’n la tin; a lampi siamtup ding ah Lalpa ma ah, a la chia ding la hingal a;

MALAKI 4:6

Ama chun pate lungthim chate lam ah, chate lungthim pate lam ah kihei sak intin; chutilochun, keima hi la gam uh hânsialaw ah gawt dingin hung kha’ng ka.

LUKA 23:39

Tualthat a khetdenteu lak ah pakhat zaw chunle a hun êngho ah, “Messiah chu la hileh, hung kihukdam inla, keimau le ei hukdam ta’n la,” a hun tia.

MATTHAI 26:24

Mihing Chapa hi a chung thu kizik gual gual ah um ding him ahi; himaleh, Mihing Chapa matsak dingpa chung hi a gik hi! A la piang lo hileh ama â dingin pha zaw’n a,” a tia.

MATTHAI 16:21

Zia hun ah kipat chun, Jesu’n a nungzuite kiang in Jerusalem ah a chia ding dan, upate, thiampu liante leh, lekhazikte khut ah haksatna tam tak a thok ding dante, tha ah a um ding dante, a ni thum ni’ kaithaw ah a um kit ding dante chu a hilpan tai.

ZEKARIAH 11:13

Ziaphatchun, Lalpa‘n ka kiang in, “Ka man ding ah kilawm a sak jat uh chu thawlawm koina In ah chun sep lut ziang in,” ei ti’n. Chutichun, zia dangka shekel sawmthum chu ka la’n, Lalpa In ah thawlawm koina chun ka sep lut tai.

SAM 74:22

Aw Pathian, kipan inla, la min chu vêng bit ta’n; Pathian ngaisaklote’n sun nitum ah, a hun nuisannau hi hezing in.

MARKA 9:13

Himaleh, ka hun hil la hiu, Elijah chu a hung ta him ahi; chuleh, a chanchin kizik gual ngei in a chung ah a nop nop unle a la bawl ta him uh ahi,” a tia.

MARKA 9:31

a nungzuite chu thu a hil ah, a kiang un, “Mihing Chapa hi mite khut ah matsak ah um ding ahi’n, hun that intiu in, a ni thum ni leh hung thokit ding ahi,” a tia.

MARKA 10:33

“Ngai un, tu’hin Jerusalem ah chia to ding I hiu; Mihing Chapa hi thiampu lalte leh lekhazikte khut ah matsak in um intin, thi dingin a chung thu tan piak in au; ziazaw chuleh, Jentelte khut ah pedok ding a hiu;

NASEPTE 1:6

Chun, amau chu a hung kikhawm ua, a kiang in, “Lalpa, tu’hin a hem Israelte kiang ah lenggam la piak kik ding chu?” ti’n a dong ua.

NASEPTE 4:11

Zia Jesu chu, ‘Nanghaw Insa mite’n la suang doi lo uh kha; a kil ah suang poimaw pen in a hung pang tai,’ a tia.