MARKA 9:1 - PATHIAN LEKHABU THIANGTHO (BSI)

¹ Chuleh, a kiang un, “Titakzet in ka hil la hiu, Zia tak ah dingte lak ah hin, Pathian gam chu thilhitheina tawh hung tung a mu masang siau thina tep lo ding lawi a um ui,” a tia.

MARKA 9:1 Referans Kwoze

LUKA 9:27

Himaleh, thutak ka hun hil la hiu, zia tak ah dingte lak ah hin Pathian gam a mu masiau, thina tep lo ding mi khenkhat a um ui,” a tia.

HEBRAITE 2:9

himaleh, Jesu chu vansawlchâkte sâng ah niam zaw koi ah um tadi chu, Pathian hepina ah mitin â ding ah thina chu a tepna dingin, thina chu a hung thuak ah, choihoina leh za umna hung chang ta chu I la mu tau hi.

LUKA 22:30

ka lenggam ah chun, ka dawkan ah an lei nekpi theina ding uh leh, Israel nam sawm leh nite vaihawmna lalchutpha ka kiang ah la hung chut theina ding un, a tia.

MARKA 13:30

Titakzet in ka hil la hiu, zia thilte chu a tunkim ma sia, zia khangthakte hi bei pua’n a.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

LUKA 22:18

ka hil la hiu, tu’kipat hin Pathian gam a hung tun masang sia, grep ga tui hi dawn kit talo ding ka hi,” a tia.

LUKA 2:26

Lalpa Messiah chu a mu masangsia thilo ding ahi dan, Thagau Thiangtho chun a la hiatsak a.

MARKA 13:26

Ziaphat chuleh Mihing Chapa hi a lopina tawh, thilhitheina thupi tak tawh, sûm chung ah khin hung suk in a.

MATTHAI 24:30

Zia tak chuleh, Mihing Chapa tepte’na chu van ah hung kilang intin, lei ah nam zosiate chun hun sûn intiu in, Mihing Chapa chu a lopina tawh, a thilhitheina tawh, van sûm chung ah hung chu a la mu’n au.

MATTHAI 16:28

Titakzet in ka hil la hiu, zia tak ah dingte lak ah hin, Mihing Chapa a Lal gam ah hung a mu masiau thina teplo ding a um ui, a tia.

JOHAN 21:23

Ziaphatchun, zia nungzuipa chu thi lo dingin a lak un a la kithang tai. Ahi’n, Jesu chun ama chu thi lo ding a ti a hipua’n, “Ama chu ka hung kit masia a la um ding ti lengle, nang in bang ding la ti a hem?” a ti bep ahi ngal a.