MARKA 8:34 - PATHIAN LEKHABU THIANGTHO (BSI)

³⁴ Tichun, mipite leh a nungzuite chu a ko khawm ah, a kiang un, “Kua’nle ka nung a zui nop chun, ama kihemil in, ama kros kiput in ei zui hen.

MARKA 8:34 Referans Kwoze

MATTHAI 10:38

Kuale a kros kiput ah ei zuilo chu ka mi hi tâk ahi puai.

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

1 LENGTE 14:8

David Inkuan ah kipat in lenggam ka botthêk ah, nang ka hun pia; ahi’n la, ka suak David gual in la um ta puai. Ama chun ka thupiakte a vop ah, ka mit mu ah dikte bep bawl dingin, a lungthim zosia’n ei zui a.

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

GALATIA 2:20

Khrista kiang in khetden in ka um ta’n, ahi’n la, ka hing ahi; keima kha ka hita pua’n, Khrista keima ah hing ahi zawi; Pathian chapa, ei hepi ah, ka thasâng ah kipepa ginna ziak zaw’n.

1 JOHAN 3:16

Zia hin hepina chu I hethei ui: ama’n ei uh â ding ah a hinna a piak tâk hi; ei unle midangte â ding ah I hinnau I piak diu ahi.

KISIMNA LEKHABU 14:24

Himaleh, ka suak Kaleb hi vang, thagau chuam nei ah, a lunggil zosia ei zui ziakin, a vaetthâkna gam ah pui tung ing ka tin, a suan leh pâkte’n zia gam chu lua in au.

MATTHAI 16:24

Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.

PHILIPPI 3:10

Chutichun, ama leh a thawkitna thilhitheina chu ka het ah, a thoknate kikoppi in, a thina ah ama ka kibatpi theina ding in;

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

LUKA 9:23

Ama chun a leng ua kiang in, “Kua’nle ei zui a nop chun, ama leh ama kihemil in, nisi’n ama kros kiput in ei zui hen.

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

PHILIPPI 3:7

Himaleh, kei â ding ah lawkna taphot chu Khrista ziakin chânna’n ka guat ta ahi.

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

GALATIA 6:14

Kei vang in, I Lalpau Jesu Khrista kros longal chu ka suan lo ding zia mai chu; ama ziakin khawvel hi kei â dingin khetden in a um ta’n, keile khawvel â dingin khetden in ka um tai.

1 KORINTH 15:31

Unaute haw, I Lalpau Jesu Khrista ah nanghaw ka hun suanna zal in, nisi’n in ka thi sek hi.

ROMTE 6:6

I gitlonau taksa hi suksiat ah a um ah, gitlona suak ah I um tâk lona ding un, I mihing lui uh hi ama tawh khetden in a um tai ti I hiau hi.

LUKA 14:33

Zia gual ma chun, kuale a nei zosia nusia ngam lo chu ka nungzui hitheilo ding ahi.

2 PETER 1:14

I Lalpa Jesu Khrista ei hiatsak gual in, zia ka phokbawk hi chawn mang hun chu tung pai ta’n ah ti ka he ngal a.

1 PETER 4:13

Khrista thokna ah thokpite la hi dungzui un kipak zaw un; chutichun, a lopina a hung kilâk phât leh nang uh le lim tak in kipak thei in lau.

TITA 2:12

zia chun Pathian ngaisak lona leh khawvel nopnate nusia ah, kisûm ah, diktat ah, tu’lai khawvel ah hin Pathian ngaisak ding leh,

KOLOSSA 1:24

Nangmau ziak ah tu’ ka thokgimnate ah hin ka kipak ahi; chuleh, a taksa, a kochuamte ziak ah Khrista thokgimnate chu ka taksa ah hin ka subukim pek ahi.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

LUKA 18:22

Jesu’n zia a thugente chu a het phat in a kiang in, “Aleh, thil pakhat in la vât nalai hi; la nei zosia zuak in la migentheite kiang in vapia’n, chuti leh van ah go nei in la; chuleh, hung in la, ei zui in,” a tia.

LUKA 13:24

“Kotkhak neu ah chun lut ham ham un; ka hil la hiu, mi tam tak in lutna ding hun hawl intiu in, himaleh, lut thei pua’n au.

MATTHAI 27:32

A hung pawtdaw lai tak un, Kurini khua mi pakhat, a min Simon a tiu chu a muu ah, a chamlo in kros chu a putsak un.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

HEBRAITE 13:13

Ziaziakchun, ama a mu tawmnau chu pua’n, dâi pawlam in chia hitiu.

2 THESSALONITE 3:11

La lak ua khenkhat thada tak ah um sekte chungchâng kha la he ngal un; ziate chun na him him sêm lo in, a mawk kisaklâ sek uh ahi.

1 KORINTH 9:19

Kuama suak hilo maleng, a tam zaw ka lâk lut theina dingin, mi zosia suak in ka kisiam tai.

1 KORINTH 8:13

Ziaziakchun, nêk leh châk ziak ah pûk a hiu chun, pakhat pûkna ding ka hi sâng in, sa nelo in um zaw mai ing ka.

JOHAN 19:17

Ama kros ding kiput kawm in, Lugu Mun, Hebrai pau ah Golgotha a ti’na mun lam ua chun a pui tau a.

LUKA 20:45

Chuleh, mipi tam tak het in, a nungzuite kiang in thu a gen a:

MARKA 10:21

Jesu’n ama chu a en ah, a hepi ma ma ah, a kiang in, “Hi’ding pakhat la nei nalai hi; chia inla, la nei zosia vazuak inla, gentheite kiang in pia’n; tichun, van ah go nei in la tin; chuleh, hung inla, ei zui in,” a tia.

MARKA 7:14

Ziazaw chun mipite chu a ko khawm kit ah, a kiang un, “La leng un ka thugen hi ngai phau inla, hethiam tau in;