MARKA 8:33 - PATHIAN LEKHABU THIANGTHO (BSI)

³³ Himaleh, ama chu a kihei ah, a nungzuite chu a en ah, Peter chu a vau ah, “Setan, ka nung ah chia in, Pathian thilte ngaitua lo in, mihing thilte la ngaitua zaw ahi,” ti in.

MARKA 8:33 Referans Kwoze

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.

1 JOHAN 2:15

Khawvel leh a sung ah thil umte haw hile thangai diak kiu in. Kua’n le khawvel a thangai chun, Pa hepina chu ama ah chun a um puai.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

SAM 141:5

Mi dikte chun ei vuau hen la, mi ginumte’n ei zilgai uh hen. Mi gilote sathau ka luchang nu’ in um ki’hen la, ka pauchapna chu thil phalo a bawlteu do-na a hizing ngal a.

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

1 TIMOTHI 5:20

Chun, gitlo bawl zingte chu mi zosia ma-âng ah zilgai in, midangte chu a lau theina ding un.

1 KORINTH 5:5

Zia gual mi chu, a thagau Lalpa Jesu ni ah hukhin a hitheina dingin, a taksa chu himangthai dingin Setan kiang in pedok un.

LUKA 22:61

Ziaphatchun, Lalpa a hung kihei a, Peter chu a hun en ah; Peter in, Lalpa‘n a kiang ah a la gensa, “Nang in âk khuan ma’n thumvei ei kilepsan ding la hi,” a ti kha a hun hedok tai.

MARKA 3:34

Tichun, a kiang ah kichute chu a en vêl a, “En un, ka nu leh ka suapite hi!

MARKA 3:5

Ziaphat chun lungna tak kawm in amau chu a en vêl ah, a lung tâk ziak un a lungna ma ma a; zia pa kiang ah chun, “La khut hun zâk in,” a tia; ama chunle a hun zâkdok phut ah, a khut chu a dam ngal tai.

MATTHAI 15:23

Himaleh, ama chun bangmachân a la dawnhu puai. Chun, a nungzuite a hung ua, zia nu hi I nung un a kiko ko ngal a, sawl mang ziang ta’n la, a hung tiu a.

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

THIAMPUTE LEKHABU 19:17

La lungthim ziang inle la chanau kinaipi la huat lo ding ahi; la Invêngte diklona chu hil tei tei in: Achutiloleh, nang thiamlo chang ding la hi.

TITA 1:13

Zia a thugen chu a dik him hi. Ziaziakchun, ginna dik tak a neitheina ding un na tak in zilgai in.

LUKA 9:55

Himaleh, ama chu a hung kihei ah a vau a.

LUKA 4:8

Jesu’n a dawnhu, a kiang in, “Lalpa la Pathian chu chibai la bûk ah, ama na bep la sep ding ahi, ti zik ahi ngal a,” a tia.

JOB LEKHABU 2:10

Himaleh, ama’n a kiang in, “Numei ngolte gual ah pau puat puat ziang la hi hi lam. Pathian ah kipat thilpha ngen mu ah, a phalo him him mulo ziang ding ah la ngai a hem?” ti’n a dawnhu ah. Zia zosia ah chunle Job in a kam sung ziang inle thu a gen khial puai.

MATTHAI 16:23

Jesu chu a kihei ah, Peter kiang in, Setan, ka nung ah chia in! Kei â dingin pûkna la hi; Pathian thilte ngaitua lo in mihing thilte la ngaitua ahi, a tia.