MARKA 8:2 - PATHIAN LEKHABU THIANGTHO (BSI)

² “Mipite hi ka kiang ah tu’hin ni thum a um tau in, nêk ding bangma a neilo ziak un ka lungsiat ma ma hi.

MARKA 8:2 Referans Kwoze

MATTHAI 9:36

Mipite chu a mu phât in, a ching ding umlo belam gual ah genthei leh chavai ah um chu a mu in a lainat ma ma a.

MIKAH 7:19

Ama chun ei hun hepi kit intin; I thulim lonau zosia a keng in tawden ta’n a. Ka gitlo’nau zosia chu tuisuagiat li thûk tak ah pai lut ta’n la.

SAM 145:15

Mi tin in a hun en un, tichun, a hun tak in a an ding uh la pia’i.

SAM 103:13

Pa’n a chate a lainat gual in, Lalpa‘n ama laute a lainat hi.

HEBRAITE 5:2

Ama le hatlo thei tho ahiziak in, bangma helo leh thil hi’khialte chung in lungsiatna a nei thei hi.

HEBRAITE 4:15

Thiampu lianpen, I hatlonateu ei hetpi phâk lo nei I hipuau ah, eihaw gual ah patepna tincheng a la tuak ta maleh, gitlona a la neilo chu nei I hizawu hi.

LUKA 15:20

Tichun, a kipan ah, a pa kiang lam a zuan tai. Ahi’n, gamla tak ah kipat in a pa’n a hun mu ta’n, a hepi ma ma ah, a del ah, a ngawng kawi in a chawp ngawi ngawi tai.

LUKA 7:13

Lalpa‘n ama chu a mu in a lainat ma ma ah a kiang in, “Kap ta kin,” a tia.

MARKA 9:22

A châng leh ama hi’mangthai dingin mei lak leh, tui lak po inle a sawn lut a; nang in la hi’thei chun ei lungsiat inla, ei panpi in,” a tia.

MARKA 6:34

Kuang ah kipat a hung pawt daw leh, mipi tam tak chu a hun mu ta’n, a lungsiat ma ma ah, amau haw chu a ching ding umlo belam gual in a mu’n; tichun, thil tam tak a hil tai.

MARKA 5:19

Himaleh, Jesu’n a phal pua, a kiang in, “La In lam ah la gualte kiang in chia inla, Lalpa‘n nang â ding ah thil a hun bawl piak a lopi dan leh a hun hepi dan hi vagen in,” a ti zaw tai.

MARKA 1:41

Jesu’n a lungsiat ma ma ah, a hun khoi a, “Ka nuam hi. Hung thiangtho ta’n,” a hun tia.

MATTHAI 20:34

Jesu’n a lungsiat ma ma ziakin a mit uh a khoi a: Thakhat in a mu thei ngal tau a, ama a zui tau hi.

MATTHAI 14:14

Lui pang ah Jesu a hung pawt daw phatin, mipi tam tak zia tak ah chun a mu’n, a lungsiat ma ma ah, a natnateu chu a sukdam piak tai.

SAM 145:8

Lalpa chu mi lungsiat thiam, lainatna dim leh lungnem, ngilneina buting nei ahi.

HEBRAITE 2:17

Ziaziakchun, mihingte gitlo thupha choina a siam theina dingin, Pathian lam ah thiampu lianpen, jangai thei leh ginum a hi’theina dingin thil bangkim ah a suapite gual ah a hung kisiam chu a kul him ahi.

MARKA 6:32

Tichun, kuang in a chuang ua, gamthip lam in a chia chuam tau hi.

MARKA 8:3

An ne lo in a In lam un sawl leng la lamkâl ah basam khan tiu in; a hungnau hi la gamla tak tak ahi ngal in,” a tia.

1 LENGTE 19:6

A vak et leh a luchang zawnah chun suang âm ah kikang vaithum tawh, tui thawl khat a um ah. A ne, a dawn ah, a lum kit tai.