MARKA 7:9 - PATHIAN LEKHABU THIANGTHO (BSI)

⁹ Chuleh, a kiang un, “Nangmau thupiakte chu la zuitheina ding un, Pathian thupiakte chu la paitha sik sek ui!

MARKA 7:9 Referans Kwoze

GALATIA 2:21

Pathian hepina chu bangmalo in ka bawl pua’n, dan ziak ah dikna a um chun, Khrista chu a thawn ah thi hi’n a.

ISAI 24:5

Lei chu a sung ah chêngte sukbuak in a um zo tai; amau chun dan a botsiau ah, chawn dan a zui puau ah, kumtuang thuthung a bawsiat tak ziak un.

ISAI 29:13

Lalpa‘n zia gual hin a gen a: “Zia mite hin kamthiam in ei nai un, mûk thiam in ei ja’bawl un, a lungthim uh vang a gamla ma ma hi; keima ei biaknau chule, mihing thupiak dangnâl thu ah zil thiamna mai mai ahi;

MARKA 7:13

nangmau thugosia ziak ah chun, Pathian thupiak chu bangmalo in la koi un; zia gual chun thil tam tak la hitau hi,” a tia.

MARKA 7:3

(Pharisaite leh Judate zosia hin upate thugosia a zui ziak un, khut sawp lo in an a ne ngai puau in;

SAM 119:126

Lalpa, la dan chu bawsiat ah a um tâk ziakin, tu’hi nangma sep hun ahi tai.

2 THESSALONITE 2:4

Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

ROMTE 3:31

Ahileh, ginna ziak ah dan chu I paithâk uh a hem? Hilo e, dan chu I sudet zawu ahi.

DANIAL 11:36

Lengpa chun a nop dan dan in bawl in a. Ama leh ama kichawisang intin, pathian zosia sâng ah lianzaw’n kingai intin, pathiante Pathian demna’n tizat um tak tak gendok in a. A chung ah lungnatna tunna ding huntiam a tun masia lawting ma ma intin; ahi’n, a thil tuak ding chu pumpel him him pua’n a.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

MARKA 7:5

Tichun, Pharisaite leh lekhazikte chun, “Bang ding ah la nungzuite hin upate thugosia gual lo tak ah khut sawp lo ah an ne ziang a hiu em?” ti’n a hung dong un.

2 KORINTH 11:4

Keimau gen hilo, Jesu dang chanchin hung gen uh hen la, la chan khâk lo uh thagau leh chanchinpha dang hung gen taleu, ziate chu a la pom in kipumpiak ngal ding la hiu a.

GALATIA 1:14

Chuleh, pu leh pate thugosia chung ah phatchuam ka ngai nasat diak ziakin, Judate biakdan lam inle ka chipite lak ah ka khan gualte tam tak chu ka la khêl tai.