MARKA 7:26 - PATHIAN LEKHABU THIANGTHO (BSI)

²⁶ Numei chu Jentel mi a hia, pianna lam ah chun Sirophoiniki mi ahi. Ama chun a chanu sung ah kipat thitha buak nawdok dingin a hung don a.

MARKA 7:26 Referans Kwoze

MATTHAI 15:22

Zia gam ah kipat chun Kanaan numei pakhat a hung a, Lalpa, David Chapa, ei lungsiat in; ka chanu thitha’n a man hen, a thuak gim ma ma hi, ti’n a hung kiko a.

ISAI 49:12

En in, ziate chu gamla tak ah kipat hung ding a hiu, a la ngai in, ziate chu mallam ah kipat, tumlam ah kipat leh, Syene gam ah kipat hung ding a hiu.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

MATTHAI 4:24

Suria gam zosia’n a chanchin a thang suak ta’n; tichun, damlo zosia, hivei nei leh natna tincheng thuakte, thithabuak matte, hipût neite leh zengte haw chu a kiang in a hun pui ua; a la hi’dam suak tai.

MARKA 7:25

Numei pakhat, a chanu naupang neucha thitha buak vop chun a chanchin a hun he, a kiang in a hung ah, a kengbul ah chun a hung bokkhup a.

MARKA 7:27

Himaleh, Jesu’n, “Naupangte chu hung vâ masau hen, chate vaithum lâkpiak ah, uichate piak chu a kilawm puai,” a tia.