MARKA 6:12 - PATHIAN LEKHABU THIANGTHO (BSI)

¹² Tichun, a kuandok tau a, mite’n a gitlonau a haisan theina ding un thu a vagen tau a.

MARKA 6:12 Referans Kwoze

MATTHAI 4:17

Zia hun ah kipat chun Jesu’n, “La gitlo uh haisan un, van gam chu a nai tai,” ti’n a gen pan tai.

NASEPTE 20:21

Juda mi leh Grik mi kuama khenchuam lo in, Pathian lam ah la lung hei theina diu ngaitua ziakin, I Lalpau Jesu ah chun ginna nga det zawn la lak un na ka sêm a.

NASEPTE 11:18

Zia thute chu a hun het phat un a thip tau a. Pathian in Jentelte le hinna a neitheina ding ua a lung hei uh a phal piak tai, ti in Pathian a pakcha tau hi.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

LUKA 13:3

Hilo hial! Ka hil la hiu, nang unle la gitlo uh la haisan lo ua leh, zia gual ah chun mangthai ding la hiu.

LUKA 11:32

Nineveh khua mite kha le vaihawm ni tak leh tu’lai khangthakte hitawh hung ding khawm intiu in, thiamlo hun chansak in au. Amau haw chun Jonah thugen ziakin a gitlonateu a haisan tau a: En tiam un, Jonah sâng ah lopi zaw zia’ hin a um hi!

MATTHAI 3:8

Gitlo haisanna tawh kilawm ga chu hun sua phot tau in.

MATTHAI 3:2

“La gitlo uh haisan tau in, van-gam chu a nai tai,” ti in.

EZEKIEL 18:30

Ziaziakchun, Aw Israel Inkuante haw, la umdan dungzui chiat un mi tin chung ah vaihawm ding ka hi, Lalpa Pathian in a tii. Sim unla, la hi’khelnau zosia haisan tau in; achutiloleh, nunsiatna chu la manthâinau hung hi kha’n a.

NASEPTE 26:20

a lim ah Damaska khua umte kiang ah; zia nung ah chun, Jerusalem khua umte kiang ah leh Jentelte kiang tiang inle, gitlo haisan tak tak ah, thilpha a bawl ua, Pathian lam ah a hung kiheina ding un ka hil zaw sek ta ahi.

NASEPTE 3:19

Ziaziakchun, la gitloteu thaimang ah a umtheina dingin la lung uh hei unla, Pathian kiang lam ah hung kinung hei kit un;

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

LUKA 15:10

Ka hil la hiu, zia gual ma chun, Pathian vansawlchâkte ma ah chun migilo pakhat lungheina ziakin kipakna a um sek ahi, a tia.

LUKA 15:7

Ka hil la hiu, zia gual ma chun, mipha sawmkua leh kua lungheina nei diaklote chung sâng in, migilo pakhat lungheina chung in van ah mi kipak zaw’n au.

LUKA 13:5

Hilo hial! Ka hil la hiu, nang unle la gitlo uh la haisan lo ua leh, zia gual ah chun mangthai ding la hiu,” a tia.

MARKA 1:15

“A hun a buting ta hen, Pathian gam chu a nai tai, la gitlo uh haisan unla, chanchinpha hi ging tau in,” ti’n a gen pan a.

MATTHAI 11:20

Chun, Jesu’n thilmak tam tak a bawlna munte chun, a gitlonau a haisan lo ziak un zia khuate chu a vau ta’n:

MATTHAI 9:13

Chutichun chiau inla, ‘Kithoina ka dawi pua’n, jangaina ka dawi hi,’ ti hi a umdan vazil un; midikte hawl ding ah hung ka hipua’n, mi gilote hawl ding ah hung ka hizawi,” a tia.

LUKA 9:6

Tichun, a kipandok ua, chanchinpha chu gen malam pek in khuate chu a fang un, mun tin in damlote a hi’dam malam pek tau hi.

MARKA 1:3

Gamthip ah mi kiko aw chun, ‘Lalpa lampi sial unla, a lampite chu hi’zang un,’ ” a ti kit hi.

MATTHAI 11:1

Jesu chun, a nungzui sawm leh nite kiang ah zia thute a hil zaw phat ah chun, zia mun chu nusia in, a kiang nai tuam khuate chun thugen leh thuhil in a vâk vêl vêl a.