MARKA 6:11 - PATHIAN LEKHABU THIANGTHO (BSI)

¹¹ Kuale nangmau hun lawp lo ah, la thugenteu le ngai nuamlote chu, amau in a maw kipuak ding ahi dan uh hiatsakna dingin, la keng ua leivui thinthâk khum malam sek un,” a tia.

MARKA 6:11 Referans Kwoze

NASEPTE 18:6

Amau hawn dodâl ah, a gensiat phat un, Paul in a puan ah kipat leivui thingtha’n, a kiang un, “La thisan uh chu la chung un um hen! Kei ka hileh ka thiang hi. Tu’ ah kipat hin Jentelte kiang in chia ta’ng ka,” a tia.

NEHEMIAH 5:13

Ka kawng ah ka puan lom chên chu tham in ka thing a, “Zia thutiamna dungzui ah bawl lo taphot chu, Pathian in a In leh a nei thil zosia zia gual hin thinthâk piak hen la, a hawm ah siam hiu hen,” ka ti tai. Mipi kikhawm zosia chunle, “Amen,” ti chiat in, Lalpa chu a pakcha tau ah. Tichun, mipite chunle a thutiam gual chiat un a bawl tau hi.

JUDA 1:7

Zia gual ma chun, Sodom leh Gomorrah leh a kîmvêl ah khuate tawh, buakna ah kipumpiak ah, hûkna vâl talua a del tâk ziak un, kumtuang mei ah phuba lâk ah um in, khang kihilna a umdan uh kha hezing un.

1 JOHAN 4:17

Zia hin hepina chu eimau ah a bukim tai: vaihawmna ni ah I hân san theina ding un, ama gual ah khawvel ah I um ziak un.

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

2 PETER 2:6

Sodom leh Gomorrah te chu ama ngaisak lo hung um kit dingte etsakna dingin thiamlo a chansak ah, vaivut suaksak in a hi’mangthai tai.

ROMTE 2:16

Ka chanchinpha gen gual ahin, zia ni phat chuleh, Pathian in mihing lunggil ngaituana zosia chu, Jesu Khrista ah chun vaihawm piak ding ahi.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

LUKA 9:5

Chuleh, kua’nle a hun lawp lo ua leh, zia khua chu la nutsia ding tak ua leh, amau hiatsakna dingin la keng ua leivui chu thingtha malam sek un,” a tia.

MATTHAI 12:36

Himaleh, ka hil la hiu, vaihawm ni tak leh vang mitin in a thu manlo genteu zosia kha hun gendok kit sik sek ding a hiu.

MARKA 6:10

A kiang un, “Khawi tak hilehle, la lutna taphot un la kipatdaw kit masiau tungden sek unla.