MARKA 4:40 - PATHIAN LEKHABU THIANGTHO (BSI)

⁴⁰ Chuleh, a kiang ua chun, “Bangatia, chuti lawm lawm ah lau ziang la hiu em? Ginna la nei zo ma ma lo uh ahi maw?” a tia.

MARKA 4:40 Referans Kwoze

LUKA 8:25

Chuleh, a kiang un, “La ginnau khoilam ah um ahi tam?” a tia. Amau chun lau ma ma leh maksa tak in, “Zia pa hi khoilam bang mi a hita, tui leh thiguale thu a pia, a thu a awi ziang uh hi?” a kitiu a.

MATTHAI 8:26

Ama chun a kiang un, “Ginna tawmte haw, bangatia lau la hiu em?” a tia. Zia nung ah chun a tho ah, huipi leh tui chu a vau ah, a hung thip veng veng tai.

MATTHAI 14:31

Thakhat in Jesu’n a khut in a vak man ah, a kiang in, Aw ginna tawmpa, bangatia ginglâ la hem? a tia.

MATTHAI 16:8

Jesu’n a kihonau chu a he, a kiang un, Aw ginna tawmte haw, vaithum neilo thu ah bang gen la hiu em?

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

MATTHAI 6:30

Hampa tu’ni hing ngal, jing ah thukkhûk ah se’lut ziang ding mai bawn, Pathian in chuti lawm ah a jem chun, aw nang uh ginna tawmte haw, nang uh chu sil leh chên pia zaw ma ma lo ding a hem!

ISAI 42:3

mi vokna luangkang thiakbong pua’n tin, thaumei de liak liak chule mut mit diak pua’n a; ama’n dik tak ah vaihawmna hun pan in a.

MARKA 4:41

A lungkham ma mau a, “Zia pa hi bang gual mi a hita bep diam! Thigua leh Dil nasan inle a thu a awi uh hi?” a tiu a.