MARKA 4:39 - PATHIAN LEKHABU THIANGTHO (BSI)

³⁹ Ama chu a hung tho ah, thigua chu a vau a, Dil kiang ah chunle, “Thip inla um hiat hiat in,” a tia. Tichun, thigua chu a hâi ah, a thip dîl dêl tai.

MARKA 4:39 Referans Kwoze

SAM 107:29

ama’n thigawpi a thipsak a, tuisuagiat kinawkte chule a daisak tai.

SAM 89:9

Tui kinawk nasa takte chung in vai la hawm ah; a tui kinawk phat leh nang in la chawlsak sek hi.

SAM 65:7

Tuisuagiat gi hum hum, tui kinawk gite leh mipi husa lul lul te, hi’thippa chu nang la hi.

SAM 29:10

Lalpa chu tuilian takte chung ah Lal in a kichu hen; Lalpa chu kumtuang â ding ah lal in a chu ahi.

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

THUPILTE 8:29

tuisuagiatte’n a thupiak a bawsiat lona ding ua, gamgite a siam piak lai leh, leilung kingakna ding a la guanggal lai ah khanle, ka la um ta’n;

SAM 148:8

mei leh gial, vûk kia leh jan dâichîm zosia, thigawpi a thupiak dungzui ah umte haw!

JOB LEKHABU 38:11

a kiang un, “Zia tiang bep hi hung pha unla, a khêl lam vang la hung pêl lo ding uh ahi, zia tiang ah hin la tui kinawk le, a tawp sek ding ahi,” ka ti’piak a.

PAWTDAWNA THU 14:22

Israelte chu Tuipi sung ah lei hul ah chun a lut tau ah; chuleh, tuite chu amau â dingin changlam leh veilam in bâng in a pang ta mai hi.

MARKA 9:25

Jesu’n mipi hung taikhawmte chu a mu phât in, thitha buak chu a vau a, “Zia naupang hi bengngong leh pautheilo ah koipa, thu ka hun pia ahi: A sung ah kipat hin hung pawtdok inla, chuleh lut kit ta kin,” a tia.

PAWTDAWNA THU 14:16

Ahi’n, nang in la mol kha lâm inla, la khut chu Tuipi chung in vak jak inla, Tuipi chu vak khen in; tichun, Israelte chu Tuipi lai tak ah chun lei hul chung in chia theng ding ahi ngal un.

LUKA 4:39

Ziaphatchun, a kiang in a vading ah, a khawsik chu a vau ah; tichun, khawsik chun a nusia tai. Zia zaw zaw ah chun a hung ding ah, a nau a sep piak tai.

NAHUM 1:4

Tuipi a vau ah, a kangtan ngal in, lui zosia le a hi’kang sik sek hi; Bashan leh Karmel a vuai ta’n, Lebanon pâklûn chu a chuai tai.

KÂ LATE 3:31

Lalpa‘n kumkhua’n pâmpai lo ding ahi.

MATTHAI 8:26

Ama chun a kiang un, “Ginna tawmte haw, bangatia lau la hiu em?” a tia. Zia nung ah chun a tho ah, huipi leh tui chu a vau ah, a hung thip veng veng tai.

MARKA 4:38

Ama chu khapchâk khap in kuang mei lam ah a la ipmu. A kaitho un, a kiang in, “Hotupa, ka manthai diu hi khawksa lo la hem?” a tiu a.

LUKA 4:35

Himaleh, Jesu’n a vau ah, “Thip inla, a sung ah kipat in hung pawt in,” a tia. Tichun, thitha chun a ma-âng un a sep pai ah, suliam lo in a sung ah kipat in a hung pawt tai.

LUKA 8:24

A kiang in a hung ua, a kaitho un: “Hotupa, hotupa, mangthai ding ka hitau hilam!” a tiu a. Ziaphat chun a hung tho ah, thigua leh tuifawn kisep vut vut chu a hun vau a; tichun, a hung chawl ua, a thip dîl dêl ziang tai.