MARKA 4:37 - PATHIAN LEKHABU THIANGTHO (BSI)

³⁷ Thigua hat tak in a hung hâng ah, tui kinawkte chun kuang chu a sep vut vut ah, tum ding a kisa ziang tai.

MARKA 4:37 Referans Kwoze

JOB LEKHABU 1:19

gamkeu lam ah kipat in huipi hat tak a hung hâng ah, a umnau In chu kil li’n a hun nam ah; tichun, nungak tangvalte chu a del lum sik sek ta’n; keima bep hi thu hung tut ding ah suakcha ka hi,” a hung ti kit a.

JONAH 1:4

Himaleh, Lalpa‘n thigawpi nasa tak tuisuagiat chung in a hânsak ta’n; tuisuagiat chung ah chun thigawpi nasa tak a hung hân ta ziak in, long chu sia ding a kisa ziang tai.

JOB LEKHABU 1:12

Lalpa‘n, Setan kiang in, “A phai, a nei thil zosia chu la khut in a um hi; ama taksa vang chu khoi kin,” a ti’n. Tichun, Lalpa umna kipat chun Setan chu a pawtdok tai.

2 KORINTH 11:25

Jepna thumvei ka tuak ta’n, khatvei suang ah se in ka um ah; Long siatna’n thumvei ka pang ta’n, ni khat leh jan khat tui thûk tak chung ah tawvêl in ka um a.

NASEPTE 27:41

Ahiziakin, tuizangkhau pani kisuktuana’n ka lût khau ah, Long chun lei a suta’n; Long lulam chu a tâng ta; khoilîng but lo in a um tai, a mei lam chu tui kinawk a nasat ziakin a kêk ta’n.

MARKA 4:36

Mipi chu nusia’n, ama le kuang sung ah amau lak ah um in a chiapiu ah, kuangneu dang le a kiang un a um a.

MARKA 4:38

Ama chu khapchâk khap in kuang mei lam ah a la ipmu. A kaitho un, a kiang in, “Hotupa, ka manthai diu hi khawksa lo la hem?” a tiu a.