MARKA 4:15 - PATHIAN LEKHABU THIANGTHO (BSI)

¹⁵ Lam pâm ah kethate chu ziate hi a hiu: Thu chu amau ah the’ in a um ah; himaleh, thu chu a het phat uh leh Setan chu kin tak in a hung ah, a lung sung ua thu kithe’ chu a hung lâkmang piak ta sek hi.

MARKA 4:15 Referans Kwoze

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

MATTHAI 13:19

Kuale, gam thu chu bil ah he’, hethiam lo chu buchi lampi pâm ah ketha tawhbang ahi. Migilopa chu a hung ah, amau ah chi kitu chu a hung lâkmang piak sek hi.

2 KORINTH 2:11

Chutilochun Setan in lemchâng mu kha’n ah, a dawha chu la I hemaw pawngal un.

LUKA 8:12

Lamgei ah kethate kha, thu chu a het phat ua leh diabol chu a hung ah, a gin ua hukdam ahi lona ding un a lunggil ua kipat thu chu a lamang ta sek hi.

MARKA 4:4

a the’ lai in, a khenkhat chu lam pâm in a ketha, chunglêng vachate a hung ua, a hung luak zo tau a.

NASEPTE 5:3

Peter chun, “Ananiah, Thagau Thiangtho thêm ding leh gam zok man hun tiang chu îm ding ah, bang ziak ah Setan in la lungthim hi’dim a hem?

ISAI 53:1

Ka thu gensawn uh kua’n a taksang awm? Chuleh, kuate kiang in Lalpa khutbân chu, tâklat in a um em?

THUPUAN 20:10

Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.

THUPUAN 20:7

Kum sang khat chu a bei phat leh, Setan chu a tânna kipat thâdaw hi’ntin;

HEBRAITE 2:1

Ziaziakchun, nakhang ah I thu hiatteu kha I ngaikhawk zaw diak ding uh ahi; chutilochun, kitawlmang san kha tawl hitiu.

2 THESSALONITE 2:9

Zia dan susepa hungna chu Setan sep dan dungzui in, thilhitheina zosia, tepte’na zosia, juau thilmakte tawh,

MATTHAI 22:5

Himaleh, a la ngaisak puau ah, a chia mang zo tau hi; pakhat chu a lou lam in, pakhat chu a sumkawlveina lam in a chia tai.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.

ZEKARIAH 3:1

Chuleh, thiampu lianpen Joshua, Lalpa vansawlchâk âng ah ding leh, ama dodâl ding Setan chule a changlam ah ding chu ei etsak a.

THILSIAM THU 19:14

Chutichun, Lot chu a va pawtdok ah, a chanute kichenpi ding a mâkpa hung hidingte kiang ah chun, ‘Tho unla, zia khawpi hi nusia un; Lalpa’n zia khawpi hi hi’mangthai ding ahi ngal ah,’ ti’n a vagen a. Himaleh, ama chu a mâkpa hidingte ngai ah chun tawt thu gen gual bep ahi tai,” a tia.

HEBRAITE 12:16

Mithanghuai a hem, Esau gual ah Pathian jalo hung um kha’n lau; ama chun a cha upa hi’na chu an khatvei nêk in a khawng a,

NASEPTE 17:32

Mithite thawkitna thu a gen khâk phat ah chun, khenkhat chun a nuisan un; midangte chun, “Zia gual thu chu ngaithâk kit ka nuam ui,” a tiu a.

MARKA 4:14

Buchithe’pa chun thu chu a the’ hi.

MARKA 4:16

Chun, suangsi lei lak ah kethate chu zia gual hi a hiu: Thu chu a het ua leh kipak tak in a pom pai un;