MARKA 3:10 - PATHIAN LEKHABU THIANGTHO (BSI)

¹⁰ Mi tam tak a sukdam ziakin, damlo haw chu a hung kikhawm sau sau tau a; ama khoi khâk dingin, a hung khawm tau a.

MARKA 3:10 Referans Kwoze

MARKA 6:56

Khawlian leh khawneu a chiana lam lam ah chun, damlote chu kaithial munte’n a lupsak ua, a puan mong bêk khoi ding a don tun tun un; chun a khoi kha taphot chu a dam pek tau hi.

MATTHAI 14:36

a puanâk tha mai le sukha dingin a hung don ua; tichun a khoi kha zosia chu a dam tau hi.

MATTHAI 4:23

Jesu’n sunagog ah a kikhopna Inteu ah chun, gam chanchinpha chu hil in, mite lak ah hivei tincheng leh damlona zosia hi’dam in Galili gam zosia a fang suak tai.

NASEPTE 5:15

Tichun, Peter a hung phat leh, a lîm bêk in a lia khâk ding ti’n, damlote chu khawlai ah chun a pawdok un, lupnate leh phêk chung in a sial un.

LUKA 7:2

zia tak ah chun sepai zahotu suak, a doichuam ma ma khat, damlo thi vâng vâng in a um a.

HEBRAITE 12:6

Lalpa‘n a hepite chu a thunun sek in, cha a lop tapo chu a vaw sek salo la hem?” ti hi.

MARKA 5:34

Ama chun, a kiang in “Ka chanu, la ginna chu la dampi ahi, thamuang tak in chia ta’n, la natna ah kipat chun a la damden ta’n,” a tia.

MATTHAI 14:14

Lui pang ah Jesu a hung pawt daw phatin, mipi tam tak zia tak ah chun a mu’n, a lungsiat ma ma ah, a natnateu chu a sukdam piak tai.

MATTHAI 12:15

Jesu’n zia chu a het phat in, zia kipat chun a kikoi kâng tai. Ahi’n, mipi tam tak in ama chu a zui jel un, amau chu a la hi’dam sik sek a;

KISIMNA LEKHABU 11:33

Ahi’n, a sa thai lai ua, a val lut masang un, Lalpa lungnatna huaisia tak mipite chung in a hung kuangjak ta’n; tichun, Lalpa‘n mipite chu hipi nasa tak in a hun gawt tai.

THILSIAM THU 12:17

Himaleh, Lalpa chun Abram ji Sarai ziakin Pharaoh leh a Insung mite chu hîpi’n a gawt ta’n.

MARKA 8:22

Ziazaw chun, Bethsaida khua a hung tung tau a; zia tak ah chun mitthûm pakhat a kiang in a hun pui ua, a khoi dingin a hung don ua.

LUKA 5:3

Tichun, long pakhat, Simon â pen chun a lut ah, lui gei ah kipat neukhat tawl lut deu dingin a don a. Mipite chu long ah kipat chun thu a hil a.

LUKA 6:19

A thilhitheina a pawt ziakin a sukkhak taphot a dam un, mitin in ama chu khoikhâk chiat a gaw tau a.

LUKA 7:21

Zia lai tak chun, mi hivei chuam chuam nei leh, natna chuam chuam ah damlote chu a la hidam ah, thitha buakte a la nawdok ah, mitthûm tam takte le a mit uh a la hi’vâk piak a.