MARKA 2:26 - PATHIAN LEKHABU THIANGTHO (BSI)

²⁶ Abiathar thiampu lianpen ahi lai ah, Pathian In sung ah lut ah, thiampute longal in nêk thianlo vaithum kikoi chu a la nêk ah, a lawite le a piak thu kha?

MARKA 2:26 Referans Kwoze

2 SAMUEL 8:17

Ahitub chapa Zadok tawh Abiathar chapa Ahimelekh chu thiampu’n a pang un; Seraiah chu lekha zik in a pang hi.

1 KHANGTHU 24:6

Lengpa, hotute, thiampu Zadok, Abiathar chapa Ahimelekh, leh thiampute lak ah upate tawh Levi phung ah mite zosia ma-âng ah chun, Levi suan ah mi, Nathanel chapa Shemaiah lekhazikpa chun, a min uh chu a zikdok ah; Eleazar Inkuan ah mi pakhat tawh Ithmar Inkuan ah mi pakhat gêl a têldok tau hi.

1 SAMUEL 21:1

David chu Nob khua thiampu Ahimelekh kiang in a hung a. Ahimelekh chu lau ah kithing kawm kawm in David lamtua dingin a hung ah; David kiang in, “Bang ding ah nang ngawn ah hung ah, mi pakhatle la hun pui lo a hem?” ti’n a la dong a.

1 LENGTE 4:4

Jehoiada chapa Benaiah chu sepaite hotu ahi’n; Zadok leh Abiathar chu thiampu a hiu a;

1 LENGTE 2:22

Lengpa Solomon in a nu kiang ah chun, “Shunam mi Abishag chu Adonijah â ding ah bang ziak ah don la hem? Lenggam hile don ziang ta’n la! Ama chu ka u ahi ngâl in; ama â ding tawh, thiampu Abiathar â ding tawh, Jeruiah chapa Joab â dinginle don ta’n la!” a tia.

1 LENGTE 1:7

Ama chu, Zeruiah chapa Joab tawh, thiampu Abiathar tawh a kithukop tau ah; amau chun Adonijah a zathuap un.

2 SAMUEL 20:25

Sheva chu lekhazik in a pang ah; Zadok leh Abiathar chu thiampu’n a pang un;

2 SAMUEL 15:35

Thiampu Zadok leh Abiathar tawh zia tak ah chun um khawm in la tiu in. Tichun, lengpa Inkuante ah kipat thu la het taphot chu, Zadok leh Abiathar thiampute kiang ah hilsawn sek in.

2 SAMUEL 15:29

Tichun, Zadok tawh Abiathar chun Pathian thuthung thingkuang chu Jerusalem in a jawn lut kit tau a; chuleh, amau chule a um den tau hi.

2 SAMUEL 15:24

Abiathar, Zadok leh Levite chunle, Pathian thuthung thingkuang chu a hun jawn ua. Khawpi sung ah kipat mipite zosia a pawt daw suak masangsiau chu, Pathian thuthung thingkuang chu a nga tau hi.

1 SAMUEL 23:9

David in ama do ding ah Saul hung kuan ding ahi ti a la het phat in, thiampu Abiathar kiang in, “Thiampu puanâk Ephod kha hun la tiam in,” a tia.

1 SAMUEL 23:6

Ahimelekh chapa, Abiathar in Keilah lam ah David kiang ah a jam lai ah chun, thiampu puanâk Ephod pakhat a la paw tung a.

MATTHAI 12:4

Pathian In ah a valut in, ama leh a lawite’nle a nêk uh thiang lo, thiampute bep nêkthian vaithum kha a vala, a nek ziang uh thu kha?

MARKA 2:25

Jesu’n a kiang un, “David leh a lawite a basap ua, a gilkial lai ua a thil hiu kha sim kha lo la hiu em?