MARKA 2:24 - PATHIAN LEKHABU THIANGTHO (BSI)

²⁴ Pharisaite chun a kiang in, “Bangatia sabbath ni hi’thianglo chu hi’ ziang a hiu em?” a hung tiu a.

MARKA 2:24 Referans Kwoze

PAWTDAWNA THU 20:10

Himaleh, a ni sagi ni hi Lalpa la Pathian Sabbath ni ahi: zia ni hin nang, la chapa, la chanu, la suakpa leh la suaknu, la ganchate leh la huang sung ah chêng malzin inle, kuama’n na la sep lo diu ahi.

HEBRAITE 12:3

Lungthim lam ah la tha chawl ua, la basaplona ding un, migilote nialkãlna thuak ham hampa kha ngaitua tiam un.

MATTHAI 12:2

Pharisaite’n a hun mu phât un, Jesu kiang in, “En in, la nungzuite’n sabbath ni’n dan lo gual tak in thil a bawl ui,” a vatiu a.

MARKA 2:16

Lekhazikte leh Phasrisaite chun, sedawlte leh migilote tawh an a nêk khawm uh chu a muu in, a nungzuite kiang ah chun, “Bangatia, sedawlte leh migilote tawh an nekhawm ziang a hem?” a hung tiu a.

MARKA 2:7

“Bangatia, zia pa hin zia gual ah hi thu gen a hem? Pathian gensia ahi chu lam! Pathian tilo ngal kua a hem gitlona ngaidam thei?” a tiu a.

ISAI 58:13

Ka ni thiangtho ah nangma lawkna ding bep hawl ah, sabbath ni bangmalo ah ngai lo ah, tawden lo ah la um ah, sabbath ni hi kipakna ni la hi’sak ah, Lalpa ni Thiangtho chu la jabawl nâk chun; jabawl tak ah, nangma thu kinoptel lo ah, nangma nopna lam bep bawl lo ah, nangma lawkna ding bep la hawl lo nâk chun;

ISAI 56:6

Chun, gam dang mi, Lalpa hun zawm ah, a nasêm ding leh Lalpa min ngaina, a suak ding ah hung kipia, a cholni subuak lo ah chang thiangtho a, ka thuthung tudet taphot chu,

ISAI 56:4

Mikiget, ka cholni chang ah, ka lung lam thilte têl ah, ka thuthung tudet mite kiang ah chun, Lalpa‘n zia gual hin a gen a:

ISAI 56:2

Zia gual thilbawl ah, tudet zing a, sabbath ni subuak lo ah chang thiangtho a, thilphalo bawl lo ding ah kisûmte chu, mi hampha a hiu.

PAWTDAWNA THU 31:15

Ni guk sung nasepna’n mang in la tiu in; himaleh, a ni sagi ni chu vang Sabbath ni thiangtho, Lalpa â ding ah ni zek thiangtho ahi: Kuale zia ni ah nasêm taphot chu thalup ding ahi.

MARKA 2:25

Jesu’n a kiang un, “David leh a lawite a basap ua, a gilkial lai ua a thil hiu kha sim kha lo la hiu em?