MARKA 2:20 - PATHIAN LEKHABU THIANGTHO (BSI)

²⁰ Ahi’n, moneipa chu amau ah kipat pui mang ni hung tung intin, zia phat chuleh vang, hun ngawl ta’n au.

MARKA 2:20 Referans Kwoze

LUKA 17:22

Chuleh, a nungzuite kiang in, “Mihing Chapa dam lai ni’te hi ni khat bêk la ngai vung vung hun uh hung um intin, ahi’n la, mu ta pua’n lau.

THUPUAN 21:9

Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.

THUPUAN 19:7

Lim leh kipak tak in ama chu chawihoi hitiu. Belamno mo nei hun a tung ta’n, a mo dingle a kisa zo tai,

2 KORINTH 11:27

sepgimna leh thokgimna, i-mut lona ah tamvei, gilkial leh dangchâk ah umnate, an ngolna tamvei tak, dap thokna leh ngawnchang ah umna ah te leh,

2 KORINTH 11:2

Pathian thangsiatna’n ei vei ka hun thangsiat; Khrista kiang ah nungak thiangtho gual ah ka piakdaw theina dingin, pawsal khat ka hual piak la hiu.

1 KORINTH 7:5

Pauchap ding ah la kipiak theina ding un leh, la kivop kit theina ding un, sawt lo cha sung ding ah pha lasak gêl uh a hilo ngal leh, kuama kikâk in um kiu in; chutilochun, kisûm zo lo in Setan in hun thêm kha’n a.

NASEPTE 14:23

Kochuam tin ah a upa dingteu a guat zaw phat un, anngawl ah pauchap in, a gin uh Lalpa khut ah chun a kolsak malam pek tau a.

NASEPTE 3:21

Khawvel siamtil ah kipat Pathian in a jawlneite kam ah a la gensa gual khan, bangkim siamthak hun a hung tun masia, ama chu van ah um tadi ding ahi.

NASEPTE 1:9

Zia thute chu a gen zaw phatin, a et zing lai un, ama chu lâk to in a um ta’n, sûm in ama chu a pui to ah, a mupha ta puau hi.

JOHAN 17:13

Tu’hin, nangma kiang ah hung ding ka hi tai; zia thute hi khawvel ah hin ka gen tai; amau ah ka kipakna a bukim theina dingin.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 16:7

Abang chu hileh, thutak ka hun hil la hiu; ka chia mang ding hi nanghaw â dingin a phazaw ahi; kei chia mang lo leng Genpiakpa chu la kiang un hung lo ding ahi; himaleh, ka chia tak leh ama chu la kiang un hun sawl ding ka hi.

JOHAN 13:33

Naute haw, la kiang un chomkhat bep um ding ka hi tai. Nang un ei hawl in lau; chuleh, Judate kiang ah, ‘Ka chiana ding ah hung thei pua’n lau,’ ti ah ka gen gual khan, tu’hin nang uh kiang inle ka gen a hi.

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

MATTHAI 26:31

Jesu’n a kiang un, tu’jan ah hin keima ziakin la leng un jam in lau; belampu chu vua’ng ka tin, a belam honte chu kithe chek in au, ti zik gual ah khan.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

ISAI 62:5

Tangval in nungakthiangtho a kichenpi gual in, la chateu in hun kichenpi intiu in, mo neitu monu chung ah a lungdam ma ma gual in, la Pathian uh la chung un kipak ma ma ta’n a.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

SOLOMON LÂ 3:11

hung pawtdok tau in. Aw Zion nungakte haw, Lengpa Solomon a ji nei ni a lungthim kipak ni ah, a nu’n lal lukhuk a khuk sak hi, hung en ma tiam un!

SAM 45:11

tichun, lengpa’n la mêlpha tak hi, hun dawi ding ahi. Ama la Lalpa ahi ziakin, chibai bûk in;

2 KORINTH 6:5

vokna, suangkultânna, buaina, sepgimna, i-mutlona leh anngawlna ah te;

JOHAN 12:8

Migentheite chu la kiang un um zing ding a hiu in, keima hi vang um zing lo ding ka hi,” a tia.

MATTHAI 9:15

Jesu chun, “Moneipa chu a lak ua a um sungsia chu, a gualte’n a sûn ngai sek ua a hem? Himaleh, a pawsal amau ah kipat puimang ni a hung tun tak leh vang, zia tak chuleh anngawl in au.

MARKA 2:19

Jesu’n a kiang un, “Moneipa chu a kiang ua a um laisia mo lawmte’n an a ngawl ngai sek ua a hem? Mo neipa chu a lak ua a um sungsia chu a ngawl ngai puau hi.

MARKA 2:21

Kuama’n puan lui puan thak them in a phaw ngai puau hi; phaw ta mawng leu le, a phawnau a thak chun a lui chu kai ek zaw ding a hia, a siatna chu khawk zaw ding ahi.

LUKA 5:35

Himaleh, a pawsal chu a kiang ua kipat puimangna ding ni hung tung intin, zia tak chuleh vang hun ngawl ta’n au,” a tia.