MARKA 16:17 - PATHIAN LEKHABU THIANGTHO (BSI)

¹⁷ Chun, a gingte chu zia tepte’na hin zui pek in a: Ka min in thithate nawdok intiu in, pauthakte’n hung pau in au.

MARKA 16:17 Referans Kwoze

NASEPTE 5:16

Jerusalem kîmvêl ah khuate ah kipat chunle, mipite a hung khawm ua, damlote leh thitha buak vopte a hun pui ua; amau chu sukdam in a um chiat tau hi.

1 KORINTH 12:28

Pathian in kochuam ah chun zia gual hin a guat a: Pakhatna chun apostolte, a panina chun thugente, a pathumna chun mihilte a koi ah; ziazaw chun thilmak bawlte, ziazaw chun hi’dam theina thilpiakte, panpi theina thilpiakte, vaihawm theina thilpiakte, pau chuam chuam ah thugen theina thilpiakte a um kit hi.

1 KORINTH 12:10

midang kiang in thilmak hi’theina, midang kiang in thugen theina, midang kiang in thagaute hetkhen theina, midang kiang in pau chi chuam chuamte leh midang kiang in pau chuam chuam hilchet theina piak ahi.

NASEPTE 8:7

Thitha buakte chule, aw ngai tak tak ah kiko jak in a lutnateu ah kipat chun a pawtdok ua; zeng tam takte leh kengbai tam takte le sukdam in a um un,

LUKA 10:17

Tichun, sawmsagite chu kipak tak in a hung tung kit tau ah; a kiang in, “Lalpa, thitha buakte natiangle la min in ka thu thuu in a um ziang ui!” a hun tiu a.

NASEPTE 10:46

pauhetlo ah a thugenteu chu a hun het phat un, Pathian pakcha a hiu ti le a he tau a. Ziaphatchun, Peter chun:

JOHAN 14:12

Titakzet in ka hil la hiu, kuale keima ei ging chun, ka nasepte hi ama’nle hun sêm in a, keima Pa kiang ah ka chia ding ziakin, ziate sâng ah nasa zaw hile hun sêm ding ahi.

NASEPTE 19:6

Paul in a chung ua khut a ngat phatin, Thagau Thiangtho a chung un a tung ta’n; pauhetlo in a pau tau ah, Pathian thu a gen tau hi,

1 KORINTH 14:2

Pauhetlo ah thugen chun mihing kiang ah hilo in, Pathian kiang ah gen ahi zawi; kuama’n a thugen a hepuau a; thagau lam in thugûk a gen hi.

1 KORINTH 12:30

A leng un hi’dam theina thilpiak a nei awm? A leng un pauhetlo in thu a gen thei awm? A leng un a let thei chiat awm?

1 KORINTH 13:1

Mihingte leh vansawlchâkte pau in thu gen maleng, hepina ka neilo chun, dak gi a hem, vaikhutbet gi a hem gual bep ka hi.

NASEPTE 16:18

Zia gual chun ni tam tak ahi zing ta’n. Paul chun lungna tak in a kihei ah, zia thitha kiang ah chun, “Zia nu ah kipat chun hung pawtdok dingin Jesu Khrista min in thu ka pia la hi,” a hun tia. Zia hun ma ma ah chun a pawtdok tai.

MARKA 9:38

Johan chun a kiang in, “Hotupa, la min ah mi pakhat, thitha nawdok ka muu ah, eimau ei zui lo ziakin ka hun awimawu hi,” a tia.

NASEPTE 2:33

Ziaziakchun, tu’hin ama chu Pathian khut changlam ah choisa’n ah um in, Pa ah kipat Thagau Thiangtho hun sawlna ding thutiam chu chang in, a hun sawl tha ta’n, zia chu tu’ ah la muu leh la het uh hi ahi.