MARKA 16:14 - PATHIAN LEKHABU THIANGTHO (BSI)

¹⁴ Chun, zia nung ah chun sawm leh khatte kiang ah a an nêk lai un a kilâk ah, a thawkit nung mute thu gen nasan le a taksan lo ziak un. A ginlânau leh lung tâkna ziak un a vau a.

MARKA 16:14 Referans Kwoze

1 KORINTH 15:5

Zia nung ah chun Kipha kiang in a kilâk a; chuleh, sawm leh nite kiang inle.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

JOHAN 20:27

Thoma kiang ah chun, “La khut in hun bân inla, ka nâk ah thun in. La khutzung in hun khoi in, ka khutte hi en in. Taksanglo in um kin la, taksang in,” a tia.

MATTHAI 11:20

Chun, Jesu’n thilmak tam tak a bawlna munte chun, a gitlonau a haisan lo ziak un zia khuate chu a vau ta’n:

LUKA 24:25

Ziaphatchun, ama chun, “Aw mi ngolte haw, jawlneite thugen zosia taksanna lam ah ngongte haw!

MARKA 7:18

Ama chun a kiang un, “Nang unle hethiam nailo la hiu maw? Paw lam ah kipat mihing sung ah lutte chun ama chu a subuak thei puai, ti helo la hiu em?

MATTHAI 17:20

Jesu’n a kiang un, La gin zaw lo ziak uh ahi; titakzet in ka hil la hiu, ginna ankam mu tia la nei ua leh, zia tâng kiang ah hinle, zia lam ah son kichawn mang in, tileuchin, kichawn mang mai ding a hi; bangma la hi’theilo uh umlo ding ahi.

KISIMNA LEKHABU 14:11

Chun, Lalpa chun Mosi kiang in, “Zia mite hin ei musit tak ah bang chan um ding a hiu em? A lak ua teptênate bang jat ka bawl ah le ei taksang nai diak lo ding a hiu maw?

MATTHAI 28:17

Ama a mu phât un a biau ah, khenkhat in vang a ginglâ nalai ua.

LUKA 24:11

Himaleh, a thugen uh chu a la taksang ziang puau a, thu manlo gen gual bep in a la ngai ua.

JOHAN 20:25

Nungzui dangte chun a kiang in, “Lalpa chu ka mu tau hi!” a tiu a. Ama chun vang a kiang un, “A khut thikkil kikhetna beliamte kha ka mu ah, thikkil kikhetna beliam leh a nâk liam ah ka khutzung ka thun zet lo chun taksang pua’ng ka,” a tia.

JOHAN 20:26

Ziazaw ni giat nung ah chun, a nungzuite chu In ah a kikhawm kit un; Thoma le a lak un a pang ta; kot kikhak zing lai ah chun Jesu chu a hung ah, a umna lailung tak ua chun a hung ding ah, “La lak un thamuanna um ta hen!” a hun tia.

JOHAN 21:1

Zia nung ah chun Jesu chu Tiberia Dilpâm ah, a nungzuite kiang in zia gual hin a kilâk a:

JOHAN 21:14

Zia hi a nungzuite kiang ah ama ngei, thina kipat a thawkit nung ah a kilâk a thumveina ahi.

NASEPTE 1:3

Zia apostolte kiang ah chun thokgimna a thok zaw nung in, hetchianna tam tak in mihing in a kimusak ah, ni sawmli hial a kiang ua kilâk in, Pathian gam thu a gen hi.