MARKA 16:1 - PATHIAN LEKHABU THIANGTHO (BSI)

¹ Sabbath ni a hung bei phatin, Mari Makdalin leh Jakob nu leh Salome tawh, thân lam in a vachiau ah, ama a nu’ ding un gimtui a chawu a.

MARKA 16:1 Referans Kwoze

LUKA 23:56

A hung kit ua, gimtui leh sathau haw a ngaituau a; thupiak dan dungzui in sabbath ni chun a chawl tau hi.

MARKA 15:40

Gamla tak ah kipat a la thîl zingte lak in numeite le a pang un; ziate lak ah chun Mari Makdalin tawh, Jakob neuzaw leh Josia nu Mari leh Salome le a hiu hi.

JOHAN 19:31

Zia ni chu Judate Kiginni ahiziak in, a luang chu kros chung ah sabbath ni a um zing chu a dawi puau a; zia sabbath ni chu ni lopi ahi ngal a. A keng uh khet bot ah, a luang uh chu lakthâk dingin Pilat kiang in a vadon tau a.

JOHAN 19:25

Ziaziakchun, sepaite chun a chuti bawl uh ahi. Zia hun ah chun kros bul ah dingte lak in Jesu nu tawh, a nu suapinu Kleopa ji Mari tawh, Mari Magdalin tawh le a pang ui.

MARKA 16:8

Tichun, maksa talua kithing in, kin tak in a chia tau a, thân ah kipat chun a hung tai ua; a lau ziak un kuama kiang in bangma a gen puau hi. A kiang ua thu a piak zosia chu Peter kiang ah umte kiang in a hilsawn tau a. Zia nung ah chun, zia kumtuang hukdamna thu thiangtho leh, mangthai thei talo ding chu, sualam ah kipat tumlam tiang ah puangjak dingin, Jesu’n amau chu a sawldok tai

MARKA 15:47

Chun, Mari Makdalin leh Josia nu Mari khanle a sialna mun chu a muu hi.

MARKA 14:8

Ama hin a theitawp a sua ahi; ka taksa hi vui dingin thau ei la nu’ khol ahi hilam.

MARKA 14:3

Bethani khua phâk, Simon In ah ankuang a up pet in, numei pakhat spiknard thau gimtui man tam tak, alabastar bûk ah hun chawi in a hung lut ah; a bûk chu a hun tatkêk ah, a luchung ah chun a hun sung a.

2 KHANGTHU 16:14

Ama thân ding ah David khawpi a kibawlna chun a vui tau a. Gimtui siamte’n a thiam theitawp ua a siam uh, gimtui haw lak ah mithi kuang ah chun a sial tauah; ama jana’n meipi nasa tak a sêm tau hi.

LUKA 23:54

Zia ni chu kisak lawkna ni, Sabbath ni ding kuan cha ahi’n.

MARKA 15:42

Nitâk lam a hung hi in, Kisaklawk ni, zia chu Sabbath ni masang ahiziak in,

THILSIAM THU 50:2

Joseph in a suak damdawi thiamte chu a pa luang muattheilo ah siam dingin thu a pia’n; damdawi thiamte chun Israel luang chu a muattheilo dingin a siam tau a;

MARKA 16:2

Hapta khat ni masa pen ah, jingkal matak, ni sua jul in thân lam in a chiau a:

LUKA 24:1

Hapta khat ah ni masa pen, jingkal ma tak ah chun gimtui a siamteu chu chawi in, thân ah chun midang khenkhat tawh a vachiau a.