MARKA 15:43 - PATHIAN LEKHABU THIANGTHO (BSI)

⁴³ Arimathia khua vaihawmte lak ah pang milian ja um tak khat, Joseph chu a hung ah, ama chu Pathian gam hung tun ding ngakla ah um zing sek ahi’n; hangsan tak in a hung ah, Pilat kiang in a valut a, Jesu luang chu a vadon a.

MARKA 15:43 Referans Kwoze

LUKA 2:38

Zia hun ah chun ama le a hung lut a, Pathian a chawihoi a, Jerusalem tatdawna kinem ah a la ngâk zosia kiang ah chun, zia nausen chanchin chu a hun gen a.

LUKA 2:25

Zia lai ah chun, Jerusalem khua mi pakhat, a min Simeon kiti, mi kipezo tak leh midik tak, Israelte thamuanna ding ngâk in a la um a; ama chu Thagau Thiangtho in a thuam a.

LUKA 23:51

Ama chu a vaihawm lai ua a thiltup dan uh doi lo ah a la pang him kha a la hi’n. Judate khua Arimathai mi ahi’n. Pathian gam a la ngâkla ma ma khat ahi.

NASEPTE 17:12

Mi tam tak in a ging tau a; Grik numei ja umte leh pawsal tam tak in le a ging tau hi.

JOHAN 19:38

Ziazaw chun, Arimathia khua mi pakhat Joseph kiti, ama chu Judate a lau ziak ah a gûk ah a la pang sek, Jesu nungzui ahi’n; ama chun Jesu luang chu lâkdaw dingin Pilat kiang in a vadon a. Pilat chun phalna a la pia; tichun, a hung ah, Jesu luang chu a hung ladok tai.

MATTHAI 27:57

Nitâk lam a hung hi’phatin, mi hausa pakhat a min Joseph, Arimathai khua um chu a hung a, Jesu nungzui ah a la pang ahi’n.

PHILIPPI 1:14

chuleh, ka kolbunate ziakin unaute lak ah tam tak in, Lalpa muanna nei zaw diak in, Pathian thu gen dingin nasa zaw diak ah suk-hansan leh launa neilo a hung hitau hi.

NASEPTE 13:50

Himaleh, Judate chun, numei kipe zo deute leh pawsal a khua sung ua thunei deu deute chu a hun tîlsiau ah, a khawpiu ah kipat chun Paul tawh Barnaba chu a nawdok tau hi.

MARKA 14:54

Peter in gamla tak in a zui a; thiampu lianpen In tiang in a zui tung a; zia tak ah chun vêngtute tawh mei awi in a kichuu a.

MATTHAI 20:16

Tichun, a nunungle hung masa’n tin, a masale hung nunung in au, a tia.

MATTHAI 19:30

A masa tam tak le hung nunung intiu in, a nunung tam tak le hung masa ding a hiu,” a tia.

MARKA 15:44

Pilat chun a thipai ziang chu mak a sa ma ma a; sepai zahotu chu a ko ah, a thina chu a sawt ta em ti a dong a.

LUKA 23:50

Zia hun ah chun, mi pakhat, a min Joseph kiti vaihawmte lak ah mi, mi diktat tak leh mi pha tak a um a.