MARKA 15:34 - PATHIAN LEKHABU THIANGTHO (BSI)

³⁴ Nitâk lam dak thum ah chun Jesu chu aw ngai tak in a hung kiko a, “Eloi, Eloi, lema sabakhthani?” a hun tia. Zia chu, “Ka Pathian, ka Pathian, bangatia ei nusia la hem?” ti’na ahi.

MARKA 15:34 Referans Kwoze

SAM 22:1

Ka Pathian, ka Pathian, bang ding ah ei nusia la hem? Bang ding ah ei panpi ding leh, ka thûmna thute he ding ah ei gamlat la hem?

MATTHAI 27:46

Dak thum ding vêl in, Jesu chu aw ngai tak in a hung kiko ah, “Eli, Eli, lama sabakhthani?” a hun tia. Zia chu, “Ka Pathian, ka Pathian, bangatia ei nusia la hem?” ti’na ahi.

HEBRAITE 5:7

Ama chun taksa a um lai khan thina kipat hukdok theipa kiang in, nasa tak ah kiko leh mitthi pum in pauchapna leh ni’na a lân ah, Pathian ki’châk dan a het ziakin ngaithâk in a um hi.

SAM 27:9

Ka mu lo dingin la mêl sêlgu kin la, lungna’n la suak hi ei sawl mang ziang kin la; nang chu ei panpipa la la hi’ngal a. Ei panpi kin inla, ei nusia him him kin! Aw Pathian, ka kihukhinna la hi’ngal a.

SAM 71:11

Amau in, “Pathian in a nusia tai, del unla, man un; ama hukdok ding kuama a um ta paw’ngal in,” a tiu hi.

DANIAL 9:21

ka pauchapna thu ka gen zing lai in, nitâk lam kithoi hun in, mu’lawkna ka la musa, mi pakhat Gabriel chu, kin tak ah hung leng in ka kiang a hung tung ta’n.

ISAI 41:17

Migenthei leh chagate’n tui a hawl phat uh leh, bangma a mu ding uh umlo ah, dangchâk ziakin a lei uh chu a keu zaw tak leh; Keima Lalpa hin dawnhu ing ka tin, Keima Israelte Pathian hin amau chu nusia lo ding ka hi.

SAM 42:9

Pathian, ka suangpi kiang ah chun: “Bang ding ah ei hemil la hem? Bang ding ah mêlma’n a enggawt ziak ah, lungkham ah mau tawl tawl ding ka hem?” ka ti’n.

NASEPTE 10:3

Ni khat chu nitâk lam dak thum ding vêl ah hin, Pathian vansawlchâk pakhat a kiang in a hung kilâk ah, “Kornelia,” ti’n a hun ko a.

LUKA 23:46

Zia hun ah chun Jesu chu aw ngai tak in a hung kiko a, “He Pa, la khut in ka thagau ka hun vopsak hi,” a tia. Zia chu a gen zaw in a thagau a tha tai.

LUKA 23:44

Sûnkim a hung hita’n; zia hun ah kipat chu sunnung lam dak thum tiang, lei chung pumpi chu a hung thim suak ta’n.

KÂ LATE 5:20

Bang ding ah kei haw, ei hemil veng veng ziang la hem? Bang ding ah zia chan chan hi ei nusia la hem?

KÂ LATE 1:12

Nanghaw lampi vak lumlette haw, nang uh â ding ah bangmalo hiziang a hem? Ei hun en tiam un, ka chung ah lungngaina tung, Lalpa‘n a lungnat hun ah, ka chung ah a hun tunsak gual hi, a um ngai diam?

MATTHAI 27:45

Sûn kim ah kipat sunnung dak thum chan in gam pumpi a thim suak tai.

MARKA 15:25

Ama a khetden hun uh chu jingkal lam dak kua ahi.

MARKA 15:35

A kiang ah dingte lak ah khen khat in a la het un, “Ngai tiam un, Elijah a ko hi,” a tiu a.